គេហទំព័រ នគរខ្មែរ

 ក្រោមការដឹកនាំរបស់ ឯកឧត្តមបណ្ឌិត គុណញឹម អគ្គនាយកដ្ឋានគយនិងរដ្ឋាករ​កម្ពុជាប្រមូលបាន ៦ ២៧៨,២ ប៊ីលានរៀល (ប្រមាណជាង១៥៦៣លានដុល្លារអាម៉េរិក)​ក្នុងឆ្នាំឆមាសទី១។ ចំណូលនេះ  កើន៤,៥ភាគរយ ធៀបនឹងឆមាសទី១ ឆ្នាំ២០២៥។

បើតាមសេចក្តីប្រកាសព័ត៌មានរបស់អគ្គនាយកដ្ឋានគយ ក្នុងចំណោមចំណូលជាតិទាំងជាង១៥០០លានដុល្លារ ដែលប្រមូលបាននេះ គឺមាន៣៨ភាគរយ បានពី ទំនិញចម្រុះ, ប្រមាណ៣៥ភាគរយ បានពីការនាំចូលយានយន្តនិងគ្រឿងចក្រប្រមាណ១៨,៥ភាគរយ ជាចំណូលបានពីការនាំចូលប្រេងឥន្ធនៈនិងថាមពល។ ដោយឡែក ចំណូលប្រមាណ៧,៥ភាគរយ បានពីសម្ភារសំណង់និងកម្រៃផ្សេងៗ។

រចនាសម្ព័ន្ធនៃការប្រមូលចំណូលពន្ធគយមានការប្រែប្រួលគួរឱ្យកត់សម្គាល់នៅក្នុងឆមាសទី១នេះ។ លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា  បានលើកឡើងថា ចំណូលពីប្រេងឥន្ធនៈនិងឧស្ម័ន គឺបានថយចុះ ដែលបណ្តាលមកពីការដាក់ពន្ធនិងអាករជាបន្ទុករដ្ឋលើការនាំចូលមុខទំនិញនេះ ចាប់ពីថ្ងៃទី២០ ខែមីនា ឆ្នាំ២០២៦ មក។ ដ្បិតប្រភេទចំណូលនេះថយចុះ ប៉ុន្តែចំណូលពីក្រុមទំនិញចម្រុះ គឺមានកំណើនទៅវិញ។

លោក គុណ ញឹម បានបញ្ជាក់ថា ៖ « នេះ ជាលទ្ធផល​នៃការ​អនុវត្តវិធានការមុតស្រួចស្តីពីការបង្ការនិងបង្ក្រាបអំពើរត់គេចពន្ធ និងការពង្រឹងអភិបាលកិច្ច​របស់អគ្គនាយកដ្ឋានគយនិងរដ្ឋាករកម្ពុជា....៕