មន្ត្រីគយចល័តតំបន់២ស្នាក់ការក្នុងស្រុកកណ្តាលស្ទឹង ជាកុងត្រូល ដុសស្លែ មិនចាំត្រួតពិនិត្យឯកសារផ្ទៀងផ្ទាត់ទំនិញ គឺចាំតែទទួលលុយបាយទឹកទេឬ?

  មន្ត្រីគយចល័តតំបន់២ស្នាក់ការក្នុងស្រុកកណ្តាលស្ទឹង ជាកុងត្រូល ដុសស្លែ មិនចាំត្រួតពិនិត្យឯកសារផ្ទៀងផ្ទាត់ទំនិញ គឺចាំតែទទួលលុយបាយទឹកទេឬ?

   ស្នាក់ការគយចល័តតំបន់២មួយកន្លែងប្រចាំនៅលើផ្លូវជាតិលេខ២ ស្ថិតក្នុងភូមិសាស្ត្រ ឃុំសៀមរាប ស្រុកកណ្តាលស្ទឹង ខេត្តកណ្តាល កំពុងបំពេញបេសកកម្មយ៉ាងមមាញឹក ទាំងថ្ងៃទាំងយប់ ចាំតែទទួលលុយថ្លៃបាយទឹក និងទទួលទូរស័ព្ទពីក្រុមអាជីវកររកសុីដឹកជញ្ជូនទំនិញ ដើម្បីកត់ស្លាកលេខរថយន្ត ប្រភេទរថយន្ត ប្រភេទទំនិញ ដែលក្រុមឈ្មួញតូចធំ ធ្វើសកម្មភាពដឹកជញ្ជូនពីព្រំដែនប្រទេសវៀតណាមចូលពីតាមច្រកទ្វារព្រំដែននានា មកក្រុងភ្នំពេញ ដោយមិនខ្វល់ពីវិធានការមុតស្រួចរបស់អគ្គនាយដ្ឋានគយ និងរដ្ឋាករកម្ពុជា ដែលបានណែនាំឲ្យធ្វើការបង្ការ និងបង្ក្រាបអំពើគេចពន្ធគ្រប់ប្រភេទនោះឡើយ។

បើតាមការឲ្យដឹងពីក្រុមអាជីវកររកសុីដឹកទំនិញឆ្លងដែនតាមផ្លូវជាតិលេខ២ឲ្យដឹងថាពួកគាត់ត្រូវរាយការណ៍ជាមុនតាមទូរស័ព្ទទៅមន្ត្រីគយចល័តតំបន់២ ប្រចាំការនៅស្នាក់ក្នុងភូមិសាស្ត្រស្រុកកណ្តាលស្ទឹង ដើម្បីសុំបើកផ្លូវ ឬត្រូវចូលទៅបង់លុយយថ្លៃបាយទឹកតិចច្រើនទៅតាមប្រភេទទំនិញ ឬរថយន្តតូចធំដែលមន្ត្រីគយបានកំណត់ ដោយមិនអាចកុហក់ ឬគេចវេសឡើយ។ ដោយឡែកសម្រាប់ក្រុមហ៊ុនធំៗដែលមានអំណាចខាងម៉ៅការដឹកទំនិញឆ្លងដែនចូលកម្ពុជាវិញ គេមិនបង់លុយផ្ទាល់ដៃទេ ដោយគេរាយការណ៍កត់ធ្វើបញ្ជីសរុប សម្រាប់ទូទាត់ជាប្រចាំសប្តាហ៍ ឬប្រចាំខែ។

មួយថ្ងៃៗគេឃើញក្រុមអាជីវករដឹកទំនិញឈប់រថយន្ត បន្តកន្ទុយគ្នាចូលទៅបង់លុយថ្លៃបាយទឹកជាហូរហែឥតដាច់នៅស្នាក់ការគយចល័តតំបន់២ក្នុងស្រុកកណ្តាលស្ទឹង។ បើតាមការឲ្យដឹងពីក្រុមអាជីវករ ថ្លៃបាយទឹករបស់លោកមន្ត្រីគយចល័តស្នាក់ការខាងលើនេះសម្រាប់រថយន្តសាំងយ៉ុង ឬរថយន្តតួរីស្តគឺតម្លៃចាប់ពី៧មុឺនទៅ១៥ឬ ២០មុឺនរៀល។ រីឯរថយន្តធំៗ តម្លៃចាប់ពី៣០មុឺនដល់៦០មុឺនរៀល ដោយគិតតាមប្រភេទទំនិញ។ បើជាទំនិញពិសេសហាមឃាត់ ឬគ្រឿងអេឡិចត្រូនិក។ល។ ថ្លៃបាយទឹកលោកមន្ត្រីគយ នឹងកើនឡើងកាន់តែខ្ពស់ថែមទៀតទៅតាមការចរចាជាក់ស្តែង។

គួរបញ្ជាក់ដែរថា កាលពីពាក់កណ្តាលខែឧសភា ឆ្នាំ២០២៦ មន្ត្រីគយនៃនាយកដ្ឋានបង្ការ និងបង្រ្កាបទំនិញគេចពន្ធ បានចុះទៅត្រួតពិនិត្យអនុលោមភាពទំនិញនៅក្នុងឃ្លាំងចំនួន៣ នៅច្រកទ្វារព្រំដែនភ្នំឌិន ដោយរកឃើញទំនិញហាមឃាត់នាំចូល ទំនិញគេចពន្ធជាច្រើនប្រភេទ និងប្រេងកែច្នៃក្លែងក្លាយជាង២០០ធុង។ ហើយនៅដើមខែមិថុនា​នេះដែរ ទំនិញចម្រុះជាង១០តោនបង់ពន្ធមិនគ្រប់ និងសាច់បង្កកជាង៣តោន ត្រូវបានរកឃើញដោយគណៈបញ្ជាការឯកភាពស្រុកអង្គបុរី ថាបាននាំចូលដោយខុសច្បាប់តាមច្រកព្រំដែនបាក់ដៃ។

 

ក្រុមអាជីកររកសុីដឹកជញ្ជូនទំនិញឆ្លងកាត់តាមផ្លូវជាតិលេខ២លើកឡើងថា ដរាបណាមេគយចល័តតំបន់២នៅតែចិញ្ចឹមចិត្ត ប្រើគោលការ​ណ៍ "ច្រវ៉ាចញ្ចឹមឆ្តោ" នោះថវិកាចំណូលជាតិច្រើនសន្ធឹកសន្ធាប់ នឹងត្រូវបាត់បង់ធ្លុះធ្លាយចូលលើហោប៉ៅមន្ត្រីគយធ្វើមានបានផ្ទាល់ខ្លួន ក្រោមហេតុផលថ្លៃបាយទឹកគ្មានវិក័យបត្រពន្ធគយត្រឹមត្រូវនេះឯង។

ករណីខាងលើនេះ មិនអាចសុំការបកស្រាយពីលោកប្រធានគយចល័តប្រចាំស្នាក់ការផ្លូវជាតិលេខ២ក្នុងស្រុកណ្តាលស្ទឹងបានទេ ដោយសារគ្មានលេខទូរស័ព្ទទំនាក់ទំនាក់ទំនង....៕

(សូមអានបន្ត)

ល្បីហើយរឿងកៅអីនាយខណ្ឌជលផលខេត្តកំពង់ឆ្នាំងដែលកំពុងតែ ប្រណាំងប្រជែងគ្នា អាចបានទៅមន្ត្រីបក្ខពួកនិយមពុករលួយឬបានទៅមន្ត្រីបែបណា!បន្ទាប់ពីលោកលី ឡា ចូលនិវត្តន័?

 ល្បីហើយរឿងកៅអីនាយខណ្ឌជលផលខេត្តកំពង់ឆ្នាំងដែលកំពុងតែ ប្រណាំងប្រជែងគ្នា អាចបានទៅមន្ត្រីបក្ខពួកនិយមពុករលួយឬបានទៅមន្ត្រីបែបណា!បន្ទាប់ពីលោកលី ឡា ចូលនិវត្តន័?

     នៅក្នុងដែនអាណាចក្រ ខេត្ត កំពង់ឆ្នាំងជាដែនដី ភុកទ្រព្យសម្បត្តិដ៏ ថ្លៃថ្លាររបស់កម្ពុជា ផ្នែកមច្ឆជាតិ ទើបមានការប្រគួតប្រជែង ដណ្តើមគ្នាធ្វើធំ ដោយមាន មន្ត្រីខ្លះឡើង ថ្លោះដំណែង ដើម្បីបានមុខតំណែង  ។

    បើតាមប្រភពពីមន្ត្រីជលផលខេត្តបានឲ្យដឹងថា បន្ទាប់ពីលោកលី ឡា ចូលនិវត្តន៍ជាច្រើនខែមកហើយ គេពុំទាន់ឃើញមានលិខិតតែងតាំងមន្ត្រីជលផលណាម្នាក់អោយចូលមកអង្គុយកៅអីខណ្ឌជលផលកំពង់ឆ្នាំងជាផ្លូវការនៅឡើយ ប៉ុន្តែគេដឹងក្រៅផ្លូវការថាមានមន្ត្រី២រូបដែលនឹងត្រូវថ្នាក់លើតែងតាំងជាប្រធានខណ្ឌគឺទី១-លោកអុឹង ជីប៉ោនាយរងខណ្ឌជលផលកំពង់ឆ្នាំងយូរហើយទី២-គឺលោកតាត សីហៈអតីតៈប្រធានផ្នែកជលផលកំពង់ឆ្នាំង ដែលគេដឹងថាមានមិត្តភក្តិជាប្រធានមន្ទីរកសិកម្មខេត្តជួយយោង ហើយដែលទើបតែត្រូវលើកបន្តុបជានាយរងខណ្ឌជលផលកំពង់ឆ្នាំងទទួលបន្ទុកជានាយខណ្ឌជលផលកំពង់ឆ្នាំងស្តីទីទៀតផង។

ប្រភពពីឈ្មួញរកសុីនេសាទត្រីអោយដឹងថា៖ខណៈនេះមជ្ឈដ្ឋានពីឈ្មួញចូលចិត្តនេសាទល្មើសច្បាប់ រកសុីធ្វើយឿត្រីបណ្តាក់ទុនកាប់សម្រាស់បំផ្លាញព្រៃលិចទឹក ឈ្មួញថៅកែធ្វើរបាំងណត៍រ៉ាវប្រវែងរាប់សឹបគីឡូដី ឈ្មួញអូសអ៊ួនល្អកទឹកទន្លេសាបទាំងកណ្តាលរដូវបិទនេសាទ រស់នៅឆ្នុកទ្រូនិងនៅតាមបណ្តោយទន្លេសាបនិងនៅផ្សារក្រោម ពួកគេកំពុងរង់ចាំអ៊ុតមើលថាតើថ្នាក់លើប្រគល់កៅអីខណ្ឌជលផលកំពង់ឆ្នាំង អោយអ្នកមានសមត្ថភាព  ដឹកនាំឬអោយមនុស្សបក្ខពួក ពុករលួយដែលធ្វើអោយគាត់រកសុីល្មើសច្បាប់បានស្រួល?។ឈ្មួញខ្លះលើក

ឡើងថា លោកអ៊ឹង ជីប៉ោ ជានាយរងខណ្ឌយូរហើយ គាត់ហាក់ស្រួលធ្វើការជាមួយដែរ គាត់មានកម្រឹតយល់ដឹងលើជំនាញជលផលគ្រាន់បើដែរ តែបើរឿងរកសុីខុសច្បាប់មិនសូវស្រួលទេ។

។ឈ្មួញបន្តថា ដោយឡែកលោក តាត សីហៈជាអតីត នាយផ្នែករដ្ឋបាលជលផលកំពង់ឆ្នាំង ដែលទើបនឹងឡើងជានាយរងខណ្ឌជលផលកំពង់ឆ្នាំងទទួលបន្ទុកជាស្តីទីអាចដោយសារបក្ខពួកខ្នងបង្អែកជាប្រធានមន្ទីរកសិកម្មខេត្តនោះហាក់ជាបុគ្គលបក្ខពួកនិយមក្រាស់ឃ្មឹកណាស់ កន្លងមកនៅផ្នែកគាត់មិនពិបាកធ្វើការជាមួយទេ គាត់កើតជម្ងឺរលួយដល់ឆ្អឹងតាំងពីលោកនៅកាន់ជាប្រធានផ្នែកជលផលកំពង់ឆ្នាំងម៉្លេះ!បើគាត់ឡើងស្រួសរកសុីជាង ។ដូច្នេះចាំមើល!បើលោកអុឹង ជីប៉ោឡើង យើងស្រួលទំនាក់ទំនងមែន តែពិបាករឿងរកសុីខុសច្បាប់បន្តិចហើយ។ប៉ុន្តែបើលោកតាត សីហៈឡើងវិញ មិនបាច់ខ្វល់រឿងច្បាប់ទេបើសែនត្រូវ។

ប្រភពពីមន្ត្រីនៅផ្នែកជលផលកំពង់ឆ្នាំងថា៖រឿងលោកអុឹង ជីប៉ោ ឡើងគឺត្រូវគាំងស្ញេញបាត់ទៅហើយ គេមិនតែងតាំងគាត់ទេ គាត់ចង់ឡើងដោយពឹងលើសមត្ថភាពខ្លួនឯង និងឡើងតាមការផ្តល់សេចក្តីទុកចិត្តរបស់ថ្នាក់លើ សម័យនេះទៅម៉េចរួចបើធ្វើធម្មតាៗ ។ដោយឡែកលោកតាត សីហៈគាត់ជាមិត្តភក្តិ ជិតស្និទ្ធជាមួយ

ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំង ។គាត់ត្រូវគេរៀបចំទុកជាមុនអោយកាន់ដំណែងនាយខណ្ឌរួចទៅហើយ(បក្ខពួកគឺលេខ១)។ហើយបច្ចុប្បន្នលោកតាត សីហៈមានតួនាទីទទួលបន្ទុកស្ដីទីទៀតផងពេលនេះគាត់កំពុងកែរចនាសម្ព័

ន្ធខណ្ឌជលផលកំពង់ឆ្នាំងថ្មីដាក់បក្ខពួកចូលបង្គ្រប់ជើងស្រណុ

កកាច់ជើងត្រុំ ប្រមុំជើងអក កាត់ក្បាលចចក ដកភ្លុកដំរីសារ ណាបង្កលំបាក ជិតរួចទៅហើយ ដាក់ទាំងមន្ត្រីជាប់កិច្ចសន្យាខ្លះចូលអោយមន្ត្រីពេញសិទ្ធិទាត់ខ្យល់ដើម្បីមកជំនួសកន្លែងមន្ត្រីរបស់នាយខណ្ឌចាស់ណាដែលកន្លងមកមិនសូវគោរព និងផ្ដល់តម្លៃឲ្យលោកកាលនៅជានាយផ្នែកនោះទៀតផង។

អ្នកលក់ត្រីនៅផ្សារក្រោមម្នាក់និយាយថា៖កាលពីលោកតាត សីហៈធ្វើជាប្រធានផ្នែកជលផលកំពង់ឆ្នាំង ជនល្មើសបានដៃប្រព្រឹត្តបទល្មើសពេញដងទន្លេ គ្រប់កៀនកោះកន្លុកកន្លៀតណាក៏សុទ្ទតែបទល្មើសដែរ មន្ត្រីជលផលមិនដែលបង្ល្រាបទេបើចុះបង្ក្រាបម្តងៗ គឺជាឡប់ឡែទេពូអើយអាណាមិនស្គាល់ក្រយ៉ៅ? បើគាត់ឡើងធំដល់ម្លឹងមែន អ្នកនេសាទល្មើសច្បាប់ពីសេសអាយ៉ូនថៅកែសម្រាស់ អាយួមថៅកែអួន ថៅកែណត៍រ៉ាងសឹបៗគីឡូម៉ែត្រ ច្បាស់ជាសប្បាយចិត្តណាស់ ឯមច្ឆជាតិរង់ចាំតែវិនាសសូន្យសង្ខា តាមកម្មផលហើយ......៕

ទូរស័ព្ទ 0976887728

(សូមអានបន្ត)

ចៅហ្វាយខេត្តបានដឹងទេថា លោក ងួន សុវណ្ណា ហៅអូនធំ បើកល្បែងស៊ីសងគ្រប់ប្រភេទដ៏ធំលេងគគ្រឹកគគ្រេងនៅក្រុងបានលុងទាន?

 ចៅហ្វាយខេត្តបានដឹងទេថា លោក ងួន សុវណ្ណា ហៅអូនធំ បើកល្បែងស៊ីសងគ្រប់ប្រភេទដ៏ធំលេងគគ្រឹកគគ្រេងនៅក្រុងបានលុងទាន?

  ប្រភពច្បាស់ការបានទម្លាយឲ្យដឹងថា ទីតាំងល្បែងស៊ីសងខុសច្បាប់ដ៏ធំមួយ ស្ថិតនៅភូមិជ្រៃ សង្កាត់យក្យឡោម ក្រុងបានលុង ខេត្តរតនគិរី កំពុងបើកដំណើរការយ៉ាងគគ្រឹកគគ្រេង ចាប់តាំងពីថ្ងៃទី៥ ខែមីនា ឆ្នាំ២០២៦ មក ដោយមិនញញើតច្បាប់ និងមិនខ្លាចអាជ្ញាធរមូលដ្ឋានឡើយ។

ប្រភពបានបញ្ជាក់ថា ទីតាំងល្បែងនេះ ត្រូវបានគេរៀបចំឡើងដោយក្រុមបុគ្គលមួយចំនួន ក្នុងនោះមានឧកញ៉ាម្នាក់ឈ្មោះ ឡេង សំណាង រួមជាមួយដៃគូឈ្មោះ ងួន សុវណ្ណា ហៅ អូនធំ ខណៈបុគ្គលម្នាក់ទៀតឈ្មោះ មេសា ត្រូវបានគេអះអាងថា ជាអ្នកជំនិតដែលរៀបចំ និងគ្រប់គ្រងសកម្មភាពល្បែងទាំងមូល។នៅទីតាំងនេះ ត្រូវបានគេរាយការណ៍ថា មានល្បែងជាច្រើនប្រភេទ ដូចជា យូគី អាប៉ោង និងជល់មាន់ ដែលកំពុងទាក់ទាញអ្នកលេងចូលចេញយ៉ាងច្រើន បង្កឲ្យប្រជាពលរដ្ឋនៅតំបន់នោះព្រួយបារម្ភយ៉ាងខ្លាំងចំពោះសន្តិសុខ និងសណ្តាប់ធ្នាប់សង្គម។អ្វីដែលធ្វើឲ្យមហាជនកាន់តែចាប់អារម្មណ៍ គឺទីតាំងល្បែងនេះបើកលេងយ៉ាងចំហរ ហាក់ដូចជាគ្មានការទប់ស្កាត់ពីសមត្ថកិច្ចទេ។

មហាជនបានលើកជាសំណួរថា៖ តើមានអ្នកធំៗនៅពីក្រោយ ឬយ៉ាងណា ទើបទីតាំងល្បែងស៊ីសងខុសច្បាប់អាចបើកដំណើរការយ៉ាងរលូនបែបនេះ?

(សូមអានបន្ត)

 មេគយកម្ពុជា បកស្រាយលម្អិតជុំវិញការនាំចូលទំនិញពីថៃក្នុងទំហំជាង ១៥០លានដុល្លារ ក្នុងខែមករា ឆ្នាំ២០២៦

​​(ភ្នំពេញ)៖ លោកបណ្ឌិត គុណ ញឹម រដ្ឋមន្ដ្រីប្រតិភូអមនាយករដ្ឋមន្ដ្រី និងអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា នាថ្ងៃទី១២ ខែកុម្ភៈ ឆ្នាំ២០២៦នេះ បានបកស្រាយលម្អិត ជុំវិញការនាំចូលទំនិញពីថៃក្នុងខែមករា ឆ្នាំ២០២៦នេះ ដែលមានទំហំជាង ១៥១លានដុល្លារអាមេរិក​ ដែលជាទំហំធំមួយ បើទោះបីជាពលរដ្ឋកម្ពុជា នាំគ្នាធ្វើពហិការឈប់ប្រើប្រាស់ទំនិញថៃ។

លោកបានពន្យល់ថា ទំនិញដែលនាំចូលភាគច្រើនគឺប្រភេទឧបករណ៍ បរិក្ខា ដែលបម្រើដល់ឧស្សាហកម្ម និងកសិកម្ម រួមប្រភេទគ្រឿងចក្រកសិកម្មដូចជាត្រាក់ទ័រ ម៉ាស៊ីនច្រូត ជាដើម។ ព្រមទាំងទំនិញមួយចំនួនទៀត ដែលជាធាតុចូលរបស់ឧស្សាហកម្មធុនធំមួយចំនួន ​សម្រាប់បម្រើផលិតកម្មរបស់ក្រុមហ៊ុនជប៉ុន និងទំនិញមួយទៀត គឺប្រភេទគ្រឿងបង្គុំសម្រាប់ថែទាំផលិតកម្ម របស់ក្រុមហ៊ុនដំឡើងរថយន្ត និងម៉ូតូមួយចំនួន។

លោកបានបញ្ជាក់ថា សម្រាប់ទំនិញដែលនាំចូល សម្រាប់ការប្រើប្រាស់ប្រចាំថ្ងៃ មានការថយចុះប្រមាណ ៦០ភាគរយ ស្របពេលទំនិញដែលហាមឃាត់ដូចជា ប្រេងឥន្ទនៈ បន្លែ ផ្លែឈើបានធ្លាក់ចុះដល់សូន្យភាគរយ។

លោកលើកឡើងថា ដោយសារចលនាពហិការ បានធ្វើឱ្យទំនិញដែលនាំចូលមកហើយ លក់មិនចេញត្រូវបាននាំចេញទៅវិញ ហើយទំនិញខ្លះទៀត នឹងត្រូវដុតកម្ទេចចោល ដោយសារហួសសុពលភាពប្រើប្រាស់។

យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា ក្នុងខែមករា ឆ្នាំ២០២៦នេះ ការនាំចូលទំនិញពីថៃមកកម្ពុជា មានទំហំទឹកប្រាក់ ​ជាង១៥១លានដុល្លារ ធ្លាក់ចុះ៤៩.៣% បើធៀបនឹងរយៈពេលដូចគ្នាកាលពីឆ្នាំ២០២៥ ដែលមានទំហំជាង ២៩៧លានដុល្លារ មុនពេលភាគីទាំងពីរមិនទាន់កើតជម្លោះព្រំដែនជាមួយគ្នា។ ​

ការនាំចេញទំនិញពីកម្ពុជាទៅថៃវិញ មានទឹកប្រាក់ជាង ​៥៨ លានដុល្លារ ធ្លាក់ចុះ១៩.៦% ​ដែលនាំ​​ឱ្យទំហំពាណិជ្ជកម្មនៃប្រទេសពីរសម្រេចបានជាង ២០៩ លានដុល្លារ ថយចុះ ៤៣.៥%៕

(សូមអានបន្ត)

 លោក ខណ្ណារ៉ា អេលីត យកចំណាត់ការ ឯកឧត្តម បណ្ឌិត គុណ ញឹម អគ្គនាយកគយកម្ពុជា ដែលបានណែនាំឱ្យមន្ត្រីគយ ពង្រឹងប្រសិទ្ធភាពនៃការអនុវត្តតួនាទី និងភារកិច្ច និងក្រមសីលធម៌វិជ្ជាជីវៈ, ហាមប្រើប្រាស់តួនាទី និងអំណាច ដើម្បីប្រយោជន៍បុគ្គលជាដាច់ខាត ក្នុង កិច្ចការបម្រើជាតិ ចុះហេតុអ្វីបានជាយកទៅដាក់ក្រោមគួទ ពេលឡើងកាន់តំណែងជា ប្រធានគយចល័ត តំបន់៦ មិនបានប៉ុន្មានផង ឈ្មួញរកស៊ីសម្រក់ទឹកភ្នែក ជាបណ្តើរៗក្រោមរូបភាពជំនិតទាលុយស្រង់ដើមហើយឬ ?

  នៅក្នុងខេត្តត្បូងឃ្មុំ តាមច្រកព្រំដែនដូនរ័ត្ន ដែលមានព្រំប្រទល់ជាប់នឹងប្រទេសវៀតណាម គឺជាច្រកនែពិភព ចំណូលមួយមិនចាញ់ច្រកនាៗដែលជាប់ ប្រទេសវៀតណាមនោះត្រូវបានមន្ត្រីគយម្នាក់មិនពេញចិត្តនឹងប្រធានច្រកគយចល័តថ្មី អាំងអំណាចរបស់លោក ខណ្ណារ៉ា អេលីត ដែលជាមេគយចល័តតំបន់៦ ថ្មី នោះហើយក៏មកអាងវ៉ាងស្រេចតែចិត្តមិនគិតអ្នកធ្វើការជាមួយឡើយ។
 
    តែបើតាមប្រភពព័ត៌មានពីឈ្មួញរកស៊ីក្នុង ខេត្តត្បូងឃ្មុំបានដឹងថាក្រុមឈ្មួញនិងអាជីវករ ដែលរកសីដឹកជ័រកៅស៊ូ ត្រី ផ្លែដូង ទុរេន សត្វមាន់ និងឥវ៉ាន់ចាប់ហួយតាមច្រកតំបន់ដូនរ័ត្ន បានលើកដឹងយ៉ាងនេះថារាល់ថ្ងៃនេះ នៅតាមផ្លូវចូលទៅច្រកដូនរ័ត្ន ចាប់ពីចំណុចផ្លូវជាតិលេខ៧អា ចូលតាមផ្លូវ វត្តតាសូត្រ ដល់ព្រំដែន កម្ពុជា .វៀតណាម ច្រកតំបន់ដូនរ័ត្ន មានប៉ុស្តិ៍ជជុះជាច្រើនកន្លែងជាពិសេស របស់មន្រ្តីគយចល័ត ចាំគាបយកលុយពីពួកគាត់តាមអំពើចិត្តយ៉ាងចាស់ៗដៃមិនខ្វល់និងការតវ៉ារបស់ពួកគាត់ឡើយ ហើយបានពង្រាយកូនចៅនិងបណ្តែតបណ្តោយឲ្យក្រុមគយតាមប៉ុស្តិ៍ជជុះ ចូលទៅច្រកដូនរ័ត្ន ប្រមូលលុយមិនខ្វល់ពីការរិះគន់អ្វីនោះទេ។
ហើយប្រភពពីអាជីវករបានឲ្យដឹងទៀតថា ប៉ុស្តិ៍ជជុះ  គឺនៅភូមិចំបក់ ឃុំរូង ស្រុកមេមត់ ហើយប៉ុស្តិ៍នោះគឺ គ្មានដាក់សញ្ញាសម្គាល់ស្ថាប័នគយឡើយ គ្រាន់តែតំរៀបក្បាលឡានចាំដេញស្ទាក់ រថយន្តនិងរ៉ឺម៉កម៉ូតូ ប្រសិនអាជីវករណាមិនបានចូលបង់លុយតាមកំណត់របស់ពួកគេនោះ។ អ្នកប្រមូលលុយនៅប៉ុស្តិ៍ទាំងនោះភាគច្រើន ជាក្មេងៗ មិនមានស្លៀកពាក់ឯកសណ្ឋានសំគាល់ជាមន្ត្រីគយនោះទេ គឺស្លៀកពាក់ខោអាវស៊ីវិលធម្មតាពាក់ស្បែកជើងផ្ទាត់ មិនសមជាមន្រ្តីគយនោះទេ។ ពួកគេទាំងនោះតែងតែប្រើពាក្យសម្ដីមិនសមរម្យដើម្បីគាបយក លុយពីឈ្មួញ និងអាជីវករដឹកជញ្ជូនទំនិញ ចេញចូលតាមច្រកដូនរ័ត្ន ដោយគ្មានចេញបង្កាន់ដៃបង់ប្រាក់ឬវិក្កយបត្រត្រឹមត្រូវនោះឡើយ។
   បើតាមឈ្មួញឲ្យដឹងថា អំណាច របស់មេគយចល័តផ្ទៃប្រទេសតំបន់៦ ដែលគ្រប់គ្រងដោយ លោក ខណ្ណារ៉ា អេលីត  គឺនៅចំណុចភូមិសូទៃ ឃុំរូង ស្រុកមេមត់ ហើយគេយកសមត្ថកិច្ច អាវុធហត្ថនិងប៉ូលិសមកសហការគ្នា ដោយមានដាក់រនាំងដែកដើម្បីស្ទាក់គាបយកលុយពីក្រុមឈ្មួញនិងអាជីវករស្រេចតែអំពើចិត្ត ដើម្បីមេតំបន់៦នេះឯង ។

បើតាមមន្ត្រីគយចល័តបានឲ្យដឹងថា ច្រកដូនរ័ត្ន មានក្រុមឈ្មួញនិងអាជីវករដឹកទំនិញចេញចូល ក្នុងនោះរួមមានទំនិញខ្មែរ ដំឡូងមី. ជ័រកៅស៊ូស្រស់ និងកសិផលផ្សេងៗទៀត ដឹកទៅវៀតណាម។ ចំណែកទំនិញមកពីប្រទេសវៀតណាមចូលមកខ្មែរវិញ មានដូចជាដូង ត្រី ទុរេន ជាដើម។ក្រៅពីទំនិញខាងលើ ច្រកដូនរ័ត្ន ក៏មានការនាំចេញនាំចូល ទំនិញចាប់ហួយជាច្រើនមុខទៀតផងដែរ ។
    មន្ត្រីគយនោះបានលើកឡើងថា មួយរយៈចុងក្រោយដែលមេថ្មីមកនេះគឺគេ ឲ្យពួកគាត់អត់ធ្មត់សិន ព្រោះថាយើងជួយមេដែលទើបមកថ្មីៗគាត់ត្រូវការលុយ យើងគួរតែជួយមេ។
   ចុះបើដូចប្រភព ពីឈ្មួញ និងមន្ត្រីលើកឡើងមែននោះ ! តើ ឯកឧត្តម បណ្ឌិត សភាចារ្យ អូន ព័ន្ធមុន្នីរ័ត្ន និង ឯកឧត្ដម បណ្ឌិត គុណញឹម គិតយ៉ាងដូចម្តេច បើលោកមេគយចល័តតំបន់៦ ដែលទើបឡើងថ្មីៗ ប្រើឥទ្ធិពលជាគៀបមន្ត្រីថ្នាក់ក្រោមឲ្យរកចំណូលដើម្បីស្រង់ដើមយ៉ាងនេះ ទាន?....៕
គេហទំព័រ( នគរខ្មែរ) www.knkndaily.com.kh
0976887728

(សូមអានបន្ត)

ឯកឧត្តម បណ្ឌិត គុណ ញឹម អគ្គនាយកគយកម្ពុជា ណែនាំឱ្យមន្ត្រីគយ ពង្រឹងប្រសិទ្ធភាពនៃការអនុវត្តតួនាទី និងភារកិច្ច និងក្រមសីលធម៌វិជ្ជាជីវៈ, ហាមប្រើប្រាស់តួនាទី និងអំណាច ដើម្បីប្រយោជន៍បុគ្គលជាដាច់ខាត ក្នុង កិច្ចការបម្រើជាតិ !

   ឯកឧត្តម បណ្ឌិត គុណ ញឹម អគ្គនាយកគយកម្ពុជា ណែនាំឱ្យមន្ត្រីគយ ពង្រឹងប្រសិទ្ធភាពនៃការអនុវត្តតួនាទី និងភារកិច្ច និងក្រមសីលធម៌វិជ្ជាជីវៈ, ហាមប្រើប្រាស់តួនាទី និងអំណាច ដើម្បីប្រយោជន៍បុគ្គលជាដាច់ខាត ក្នុង កិច្ចការបម្រើជាតិ !

 

   ឯកឧត្តម បណ្ឌិត គុណ ញឹម រដ្ឋមន្ត្រីប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានគយ និងរដ្ឋករកម្ពុជា បានចេញលិខិតមួយផ្ញើប្រធានលេខាធិការដ្ឋាន នាយកដ្ឋាន សាខា និងការិយាល័យគយ និងរដ្ឋករទាំងអស់ ពង្រឹងប្រសិទ្ធភាពនៃការអនុវត្តតួនាទី និងភារកិច្ច និងក្រមសីលធម៌វិជ្ជាជីវៈ។

ដើម្បីពង្រឹងប្រសិទ្ធភាពនៃការអនុវត្តតួនាទី និងភារកិច្ច និងក្រមសីលធម៌វិជ្ជាជីវៈ អគ្គនាយកដ្ឋានគយ និងរដ្ឋាករកម្ពុជា សូមធ្វើការណែនាំបន្ថែមដូចខាងក្រោម៖

១. អនុវត្តតួនាទី និងភារកិច្ចដោយឈរលើគោលការណ៍នៃច្បាប់ និងលិខិតបទដ្ឋានគតិយុត្តជាធរមាន។

២. ហាមប្រើប្រាស់តួនាទី និងអំណាចផ្តល់ដោយច្បាប់ ស្តីពីគយទៅអនុវត្ត ដើម្បីប្រយោជន៍បុគ្គលជាដាច់ខាត។

៣. ក្នុងពេលបំពេញការងារត្រូវពាក់ឯកសណ្ឋានត្រឹមត្រូវ និងហាមដាច់ខាតមិនត្រូវឲ្យមានជនស៊ីវិលដើរតួនាទីជំនួសទោះ ក្នុងរូបភាពណាក៏ដោយ។

៤. ក្នុងពេលបំពេញការងារ ទាំងក្នុងការិយាល័យ និងទាំងក្នុងពេលជំរុញការអនុវត្តច្បាប់, ត្រូវមានអាកប្បកិរិយា និងពាក្យសំដីថ្លៃថ្នូរ។

៥. ត្រូវមានទំនាក់ទំនង និងសហការល្អជាមួយអាជ្ញាធរមូលដ្ឋាន និងស្ថាប័នមានសមត្ថកិច្ចផ្សេងទៀត។

៦. ប្រធានអង្គភាពគ្រប់លំដាប់ថ្នាក់ ត្រូវបង្កើនការប្រជុំផ្សព្វផ្សាយ និងអប់រំណែនាំដល់មន្ត្រីភ្នាក់ងារក្រោមឱវាទ អំពីការប្រតិបត្តិឲ្យបានខ្ជាប់ខ្ជួននូវក្រមសីលធម៌វិជ្ជាជីវៈមន្ត្រីរាជការគយ និងរដ្ឋាករកម្ពុជា ។

៧. លេខាធិការដ្ឋាន (ការិយាល័យសវនកម្មផ្ទៃក្នុង) និងនាយកដ្ឋានហិរញ្ញវត្ថុ និងបុគ្គលិក ត្រូវតាមដានជាប្រចាំអំពីការអនុវត្តសេចក្ដីណែនាំនេះ។

   មន្ត្រីប្រព្រឹត្តល្មើសនឹងក្រមសីលធម៌វិជ្ជាជីវៈមន្ត្រីរាជការគយ និងរដ្ឋាករកម្ពុជានឹងត្រូវរងវិន័យស្របតាមច្បាប់ស្តីពីសហលក្ខន្តិកៈមន្ត្រីរាជការស៊ីវិល នៃព្រះរាជាណាចក្រកម្ពុជា និងច្បាប់ពាក់ព័ន្ធផ្សេងទៀតជាធរមាន....៕

(សូមអានបន្ត)

ច្រកទ្វារអន្តោប្រវេសន៍ព្រំដែនអន្តរជាតិភ្នំដិនក្រោមអំណាចលោក ឈួន សុវណ្ណនរា បើកដៃអោយឈ្មួញបង់ពន្ធមិនគ្រប់ពី​ប្រទេសវៀតណាមចូលមកកម្ពុជាទាំងយប់ទាំងថ្ងៃដើម្បី​ប្រមូល​លុយ​ដាក់ហោប៉ៅកាត់បន្ថយចូលរដ្ឋ ស្រង់ដើមបង្កើនអំណាចហើយឬ ?

    ជីវិតភ្លើស្វាងរបស់លោកឈួន សុវណ្ណនរា នាយ​ប៉ុស្តិ៍​នគរបាល​អន្តោប្រវេផលសន៍​ច្រក​ទ្វារព្រំដែនអន្តរជាតិភ្នំដិន បើកដៃអោយឈ្មួញតូចធំនាំទំនិញ គេចពន្ធទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសវៀតណាមចូលមកប្រទេសខ្មែរ ទាំងយប់ទាំងថ្ងៃដើម្បីប្រមូល​លុយ​តាមរបៀប​ពុករលួយ​បាន យ៉ាងច្រើនសន្ធឹកសន្ធាប់ក្នុងមួយខែៗ ស្រង់ដើម!ហើយគ្មាន​ឈ្មួញ​ណា​ហ៊ានរំលង​លោក ឈួន សុវណ្ណនរា នាយប៉ុស្តិ៍ដែលទេីបឡេីងកាន់តំណែងថ្មីបាននោះឡើយ​។អាជីវករនិងឈ្មួញ​បាន​ត្អូញត្អែ​ថា ពួកគាត់​បង់លុយ​តាម​ការកំណត់​របស់​លោកវរសេនីយ៍ឯក ឈួន សុវណ្ណនរា នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិភ្នំដិន ទើប​ដឹកជញ្ជូន​ទំនិញ​ឆ្លងដែនចេញពី​ប្រទេសវៀតណាមចូល​មកប្រទេសខ្មែរ​បានដោយរលូនហើយគ្មានឈ្មួញ ណា​ហ៊ានតវ៉ាជាមួយលោកវរសេនីយ៍ឯក ឈួន សុវណ្ណនរា នាយប៉ុស្តិ៍នគរ បាលអន្តោប្រវេសន៍ច្រកទ្វារព្រំដែនអន្តរជាតិភ្នំដិន ស្រុកគីរីវង់ ទេីបកាន់តំណែង។​

  ​បើ​តាម​ប្រភព​​ពី​មន្ត្រី​នៅ​ច្រក​ទ្វារ​ព្រំដែនអន្តរជាតិ​ភ្នំដិន ស្រុកគីរីវង់ បាន​បង្ហើប​ឲ្យដឹងថា សកម្មភាព​ភាព​ក្រុម​ឈ្មួញ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ និង​ទំនិញ​ខុសច្បាប់​ចេញពី​ប្រទេសវៀត ណាមចូលមកប្រទេសខ្មែយ៉ាងគំហ៊ុកទាំងយប់ទាំងថ្ងៃ គឺជា​ប្រភព​ចំណូល​ដ៏​សំខាន់​របស់​លោកវរសេនីយ៍ឯក ឈួន សុវណ្ណនរា នាយ​ប៉ុស្តិ៍​នគរបាល​ច្រកទ្វារ​អន្តរជាតិ​ភ្នំដិន និងបក្សពួកធ្វើមានបានយ៉ាងសុខស្រួល។​ដោយហេតុ​ថា ប្រសិនបើ​ឈ្មួញ​មិន​បង់លុយ​លើ​តុ​ ក្រោម​តុ​ តាម​ការកំណត់​របស់​លោកវរសេនីយ៍ឯក ឈួន សុវណ្ណនរា នាយប៉ុស្តិ៍ នគរបាលអន្តោប្រវេសន៍ច្រកទ្វារព្រំដែនភ្នំដិនទេនោះ គឺ​ឈ្មួញនិងអាជីវករមិន​អាច​ដឹកជញ្ជូន​ទំនិញ​ចេញពី​ប្រទេសវៀតណាមចូល​មកប្រទេសខ្មែរ​បាន​ឡើយ ហើយ​គ្មាន​ឈ្មួញ​ណា​ហ៊ាន​តវ៉ា​ជាមួយ​លោកនាយប៉ុស្តិ៍ បានឡើយ។

​ប្រភពបន្តថាលោកវរសេនីយ៍ឯក ឈួន សុវណ្ណនរា នាយប៉ុស្តិ៍នគរបាលច្រកទ្វារព្រំដែនអន្តរជាតិភ្នំដិនឡើងកាន់តំណែងថ្មីភ្លាមសាងភាពល្បីល្បាញប្រព្រឹត្ត​របៀបអំពើពុករលួយទៅ​យ៉ាង​រលូន​ ដោយ សារ​មាន​ការឃុបឃិតគ្នាជាប្រព័ន្ធ សមត្ថកិច្ចគយ​ សមត្ថកិច្ចជា ច្រើនស្ថាបន ជាពិសេស នគរបាលអន្តោប្រវេសន៍ច្រកទ្វារ​ព្រំដែនអន្តរជាតិ​ភ្នំដិន ដែល​កំពុង​ល្បីល្បាញ​ខ្លាំង​ខាង​ប្រព្រឹត្ត​របៀបអំពើ​ពុក រលួយ​នេះតែម្តង។​

      ម​ប្រភព​ដែល​ស្និទ្ធ​នឹង​លោកវរសេនីយ៍ ឈួន សុវណ្ណនរា នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិភ្នំដិន បាន​បង្ហើបអោយដឹងទៀតថា ដោយសារ​អាង​មាន​ខ្នងបង្អែក​រឹងមាំ​ នៅ​ក្នុង​អគ្គនាយកដ្ឋាន​អន្តោប្រវេសន៍​ ទើបលោកវរសេនីយ៍ឯក ឈួន សុវណ្ណនរា នាយប៉ុស្តិ៍នគរ បាល ច្រកភ្នំដិនមួយនេះហ៊ាន​ប្រើ​តួនាទី និង​អំណាច​ បើកដៃអោយឈ្មួញ​នាំ​ទំនិញ​ចេញពី​ប្រទេសវៀតណាមចូលមកប្រទេសខ្មែរដើម្បី​ប្រមូល​លុយ​តាមរបៀប​ពុករលួយ​យ៉ាង​ពេញបន្ទុក​។

ហេតុ​នេះ​ហើយសូមថ្នាក់ដឹកនាំ​ក្រសួងមហាផ្ទៃ និង ឧត្តសេនីយ៍ទោ ម៉ែន លី ស្នងការដ្ឋាននគរបាលខេត្តតាកែវជាពិសេសឯកឧត្តម ឧត្តមសេនីយ៍ ឯក សុខ វាសនា អគ្គនាយក​នៃ​អគ្គនាយកដ្ឋាន​នគរបាលអន្តោប្រវេសន៍ គួរដាក់មន្រ្តីជំនាញចុះសិក្សាស្រាវជ្រាវនូវភាពមិន​ប្រក្រតីរបៀបពុករលួយរបស់​លោកវរសេនីយ៍ឯក ឈួន សុវណ្ណនរា នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិភ្នំដិន ត្រូវបាន​មហាជនលាតត្រដាង​។ដោយសារ​អាង​ខ្នងបង្អែក​រឹងមាំ​ទើប​លោក ឈួន សុវណ្ណនរា នាយ​ប៉ុស្តិ៍​នគរបាល​អន្តោប្រវេសន៍​ច្រកទ្វារ​អន្តរជាតិ​ភ្នំដិន មិន​ញញើត​អ្វី​ទាំងអស់​ក្នុង​ការប្រព្រឹត្ត​របៀបអំពើពុករលួយ​ស្រង់ដើម...៕

គេហទំព័រ knkndaily.com.kh

0976887728

(សូមអានបន្ត)

 នគរខ្មែរ:

ឯកឧត្ដមបណ្ឌិត  គុណ  ញឹម រដ្ឋមន្ត្រីប្រតិភូអមនាយករដ្ឋ​​​​ម​ន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា និងជាប្រធានសមាគមសង្គហមិត្តមន្ដ្រីរាជការនៃអគ្គនាយ​​​​កដ្ឋាន​គយនិងថ្នាក់ដឹកនាំ ព្រមទាំងមន្ដ្រីគយនាំយក​អំណោ​យដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត​ ដើម្បីប្រគល់ជូនដល់វីរកងទ័ពជួរមុខ!

     នាថ្ងៃពុធ ទី៣១ ខែធ្នូ ឆ្នាំ២០២៥ និងថ្ងៃព្រហស្បតិ៍ ទី១ ខែមករា ឆ្នាំ២០២៦ ឯកឧត្ដមបណ្ឌិត  គុណ  ញឹម រដ្ឋមន្ត្រីប្រតិភូអមនាយករដ្ឋ​​​​ម​ន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា និងជាប្រធានសមាគមសង្គហមិត្តមន្ដ្រីរាជការនៃអគ្គនាយ​​​​កដ្ឋាន​គយនិងរដ្ឋាករកម្ពុជា និងថ្នាក់ដឹកនាំ ព្រមទាំងមន្ដ្រីគយនិងរដ្ឋាករមួយចំនួន បានបន្តនាំយក​អំណោ​យដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត​ ដើម្បីប្រគល់ជូនដល់វីរកងទ័ពជួរមុខ ដែលកំពុងឈរជើងការពារបូរណភាពទឹកដី តាមបណ្តោយព្រំដែនកម្ពុជា-ថៃ ក្នុងសមរភូមិទិសខេត្តព្រះវិហារ ខេត្តឧត្តរមានជ័យ ខេត្តបន្ទាយមានជ័យ និងខេត្ត​ពោធិ៍សាត់។ ពិធីប្រគល់អំណោយនេះ បានប្រព្រឹត្តនៅទីតាំង ៣ កន្លែងនៃខេត្តសៀមរាប ខេត្តបាត់ដំបង និងខេត្តពោធិ៍សាត់ ដោយមានការចូលរួមពីតំណាងវីរកងទ័ពកម្ពុជាតាមគោលដៅនីមួយៗ។

ក្នុងពេលប្រគល់អំណោយនោះ ឯកឧត្ដមបណ្ឌិត បានពាំនាំនូវការសាកសួរសុខទុក្ខពីសំណាក់ សម្តេចអគ្គមហាសេនាបតី​តេ​ជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដែលជានិច្ចកាលតែងយកចិត្តទុកដាក់ និងគិតគូរចំពោះសុខទុក្ខរបស់វីរកងទ័ពទាំងអស់។ ​ឯកឧត្ដមបណ្ឌិត  គុណ  ញឹម ក៏បានថ្លែងនូវការគោរពដឹងគុណចំពោះយុទ្ធជនទាំងអស់របស់កម្ពុជា ដែលបានបូជាសាច់ស្រស់​ឈាមស្រស់ក្នុងបុព្វហេតុការពារបូរណភាព​ទឹកដី ប្រឆាំងនឹងអំពើឈ្លានពានដ៏ឃោរឃៅរបស់ប្រទេសថៃ មកលើកម្ពុជា។ ឯកឧត្តមបណ្ឌិត បានលើកឡើងថា សង្រ្គាមរយៈពេល ២១ ថ្ងៃនេះ កងទ័ពកម្ពុជាបានតស៊ូប្រយុទ្ធយ៉ាងស្វិតស្វាញក្រាញននៀល ប្រឆាំងនឹងកងទ័ពសៀមដែលបានបើកការវាយប្រហារយ៉ាងសន្ធាប់ដោយមិនរើសអើងចូលក្នុងដែនអធិបតេយ្យរបស់កម្ពុជា ដែលបានធ្វើឱ្យបាត់បង់អាយុជីវិតពលរដ្ឋស្លូតត្រង់ និងខូចខាតយ៉ាងធ្ងន់ធ្ងរដល់ផ្ទះសម្បែងប្រជាពលរដ្ឋ និងហេដ្ឋារចនាសម្ព័ន្ធជាច្រើន ព្រមទាំងបានបំផ្លិចបំផ្លាញ ប្រាសាទបុរាណ ដែលជាសម្បត្តិបេតិកភណ្ឌពិភពលោកដ៏មានតម្លៃមិនអាចកាត់ថ្លៃបាន។ ថ្វីត្បិតពេលនេះ ការប្រយុទ្ធគ្នា​មានភាពស្ងប់ស្ងាត់ ដែលជាលទ្ធផល​នៃការចរចាបទឈប់​បាញ់ ប៉ុន្តែវីរកងទ័ពកម្ពុជា ក៏នៅតែបន្តឈរជើងយ៉ាងអង់អាច ប្រកបដោយ​​ស្មារតីប្រុងប្រយ័ត្នខ្ពស់ជាប់​ជានិច្ច ដែលតម្រូវឱ្យយើងទាំងអស់គ្នានៅសមរភូមិក្រោយ ត្រូវតែបន្តរួមគ្នាគាំទ្រនិងឧបត្ថម្ភ​ទាំង​សម្ភារ និងស្មារតី។ ការនាំយកអំណោយមកនេះ បញ្ជាក់ពីស្មារតីគាំទ្រ និងការផ្សារភ្ជាប់គ្នាជានិច្ចរវាងសមរភូមិក្រោយជាមួយសមរភូមិមុខ ហើយឆ្លុះបញ្ចាំងពីសាមគ្គីភាពខ្មែរតែមួយដើម្បីប្រយុទ្ធប្រឆាំងសត្រូវឈ្លានពាន ការពារបូរណភាព​ទឹកដី និងរក្សាសុខសន្តិភាព ជូនជាតិនិងប្រជាពលរដ្ឋរបស់យើង។

ជាការឆ្លើយតប តំណាងវីរកងទ័ព ក៏បានថ្លែងអំណរគុណ ជូនដល់ឯកឧត្តម និងសមាជិកសមាគមសង្គហមិត្តមន្ដ្រីរាជការនៃអគ្គនាយកដ្ឋានគយ និងរដ្ឋាករកម្ពុជាទាំងអស់ ដែលតែងតែចុះមកជួយឧបត្ថម្ភគាំទ្រជាប្រចាំ ដល់កម្លាំង ជួរមុខដែលកំពុងឈរជើងនៅតាមបណ្ដោយព្រំដែន ហើយប្តេជ្ញាចិត្តយ៉ាងមុតមាំ ក្នុងការតស៊ូ​ការពារបូរណភាពទឹកដីកម្ពុជា មិនឱ្យបាត់បង់ជាដាច់ខាត ក្រោមការដឹកនាំដ៏វៃឆ្លាតនិងស្វាហាប់របស់ សម្តេចធិបតី ហ៊ុន ម៉ាណែត នាយករដ្ឋមន្ត្រី និង សម្តេចតេជោ ហ៊ុន សែន ប្រធានព្រឹទ្ធសភា។

អំណោយ សម្រាប់ប្រគល់ជូនវីរកងទ័ព នាឱកាសនេះ រួមមាន៖ ឧបករណ៍ផ្ទុកអគ្គិសនី និងបន្ទះសូឡាសម្រាប់សាកថ្ម ៤៤ ឈុត, ម៉ាសការពារផ្សែងពុល ២០០០ ឈុត, តម្រងបន្ថែមសម្រាប់ប្ដូរម៉ាសការពារផ្សែងពុល ៤ កេស ស្មើ ៥០០ គូ, អង្ករ ១២ តោន, ទឹកសុទ្ធ ៨០០ កេស, កញ្ចប់ Kits ចំនួន ២៨០០ កញ្ចប់ (ក្នុង Kits នីមួយៗ មាន នំទាហាន ៥ កញ្ចប់, មី ១០ កញ្ចប់, ត្រីងៀតចម្អិនរួច ១ កន្ទុយ, សាច់ក្រកចម្អិនរួច ៥ ដុំ, ត្រីខ ២ កំប៉ុង, បាយក្ដាំង ២ កញ្ចប់, អំបុក ២ ដប, ពងទាប្រៃ ៤ គ្រាប់, គ្រាប់ចន្ទី ២00 ក្រាម, ទឹកដោះគោស្រស់ ១ យួរ ស្មើ ៤ ប្រអប់តូច, ទឹកដោះគោខាប់ ២ កំប៉ុង, ទឹកក្រូច ៣ កំប៉ុង, បារី ១០ កញ្ចប់, ថ្នាំ Vitamin Berocca ១ ទីប, ថ្នាំបំបាត់ការឈឺចាប់ ២ បន្ទះ, កាហ្វេ ១០ កញ្ចប់, ស្ករចាហួយ ២ កញ្ចប់តូច) និងថវិកា ៤០ លានរៀល។ ក្រៅពីនេះ ក៏មានការប្រគល់នូវរថយន្តចំនួន ៧ គ្រឿង និងទោចក្រយានយន្ត ចំនួន ៧ គ្រឿង ដល់យោធភូមិភាគទី៥ ដែលមានអង្គភាពកងទ័ពប្រចាំសមរភូមិទិសខេត្តពោធិ៍សាត់ ខេត្តបាត់ដំបង និងខេត្តបន្ទាយមានជ័យផងដែរ ។

បន្ថែមលើការប្រគល់អំណោយដោយផ្ទាល់ជូនវីរកងទ័ព ឯកឧត្ដមបណ្ឌិត  គុណ  ញឹម ក្នុងនាមសមាគមសង្គហមិត្តមន្ដ្រីរាជការនៃអគ្គនាយ​​​​កដ្ឋាន​គយនិងរដ្ឋាករកម្ពុជា ក៏បានប្រគល់អំណោយមួយចំនួនជូនលោក ឈន វ៉ាន់ឌី ដែលជាសកម្មជនស្ម័គ្រចិត្តក្នុងការដឹកជញ្ជូនស្បៀងនិងសម្ភារនានាទៅចែកជូនវីរកងទ័ពជួរមុខ ដល់ទីតាំង​កៀកជិតនឹងសមរភូមិប្រយុទ្ធតែម្តង។ អំណោយទាំងនោះ រួមមាន៖ មី ១០០ កេស, ទឹកសុទ្ធ ១០០ កេស, អង្ករ ៥០០ គីឡូក្រាម, កញ្ចប់ Kits ចំនួន ១០០ កញ្ចប់ និងថវិកា ៤ លានរៀល។

គួរបញ្ជាក់ថា កន្លងមក សមាគមសង្គហមិត្តមន្ដ្រីរាជការនៃអគ្គនាយកដ្ឋានគយនិងរដ្ឋាករកម្ពុជា ធ្លាប់បាន​យកអំណោយ​ជាគ្រឿង​ឧបភោគបរិភោគនិងសម្ភារនានា ជូនដល់វីរកងទ័ពជួរមុខកម្ពុជា ក៏ដូចជាជូនដល់ប្រជាពលរដ្ឋភៀសសឹកជាច្រើនលើករួចមកហើយ ចាប់តាំងពីមានភាពតានតឹង និងការប៉ះទង្គិចគ្នាជាមួយយោធាសៀម។ លើសពីនេះ កាលពីថ្ងៃទី២៥ ខែធ្នូ ឆ្នាំ២០២៥ សមាគមក៏បាននាំយករថយន្តចំនួន ១៥គ្រឿង និង​ទោចក្រ​យានយន្ត ចំនួន ២១ គ្រឿង ប្រគល់ជូនអង្គភាពកងទ័ពប្រចាំសមរភូមិទិសខេត្តព្រះវិហារ និងខេត្តឧត្តរមានជ័យផងដែរ។ សមាគមសង្គហមិត្តមន្ដ្រីរាជការនៃអគ្គនាយកដ្ឋានគយនិងរដ្ឋាករកម្ពុជា ប្តេជ្ញាបន្តនាំយកនូវអំណោយដើម្បីឧបត្ថម្ភជូនវីរកងទ័ពជួរមុខ និងប្រជាពលរដ្ឋភៀសសឹក ជាបន្តបន្ទាប់​ទៀតនាពេលខាងមុខ.....៕

(សូមអានបន្ត)

   លោក មេគយ ស៑ុន ឆាយ ខេត្ត តាកែវ យកឈ្មោះឯកឧត្តម បណ្ឌិត គុណ ញឹម ហាលធ្វើងៀត ព្រោះតែលុយ ៧០០០០រៀលហើយឬ?

   ខេត្តតាកែវ ជាខេត្តមួយដែលមានព្រំប្រទល់ជាប់នឹងប្រទេសវៀតណាមគឺជាខេត្តដែលមានសក្តានុពលឬ ហៅថាផ្លូវសេដ្ឋកិច្ចសម្រាប់ជួយជាតិ ក្នុងការនាំនូវទំនិញចេញចូលទាំងយប់ថ្ងៃហេតុអ្វីលោក មេគយចង់ផ្តាច់សេដ្ឋកិច្ចព្រោះតែលុយ៧០០០០រៀយ៉ាងដូច្នោះទាន?

   

   នេះបើតាមក្រុមអាជីវករខឹងគយទាលុយថ្លៃ ដឹកសំបកបាវ១ឡាន ចំនួន៧០.០០០រៀលជាកំហិត! បងប្អូនអាជីវករ បានផ្ទុះការតវ៉ា បិទផ្លូវជាតិលេខ២នៅ សង្កាត់រការក្នុង ក្រុងដូនកែវ ខេត្តតាកែវ ....កាលពីព្រឹកថ្ងៃទី៨ ខែមករា ឆ្នាំ២០២៦ចំពោះការកៀបសង្កត់ដែលគយបង្កឡើង។ប្រជាពលរដ្ឋអាជីវករទាំងនោះទាមទារឱ្យមន្ត្រីគយ បន្ធូរបន្ថយចំពោះការរាប់ក្បាលឡាន កំណត់យកលុយ ក្នុងនោះ ពួកគាត់សុំបង់ត្រឹម៣០.០០០រៀលទៅ៤០.០០០រៀល ក្នុង១ឡានបានហើយ.!។

សម្តីរបស់ គាត់ថារាល់ថ្ងៃពួកគាត់ បង់លុយបាយទឹក ឱ្យគយក្នុង១ឡានចំនួន៧០.០០០រៀល ជាកំហិតដោយមិនមានវិកយ័បត្រ័អ្វីឡើយ!!។

អាជីវករអ្នកដឹកសំបកបាវ ពីវៀតណាមចូលកម្ពុជា គាត់អះអាងថា បង់តាមផ្លូវជាបន្តបន្ទាប់ ទម្រាំដល់ភ្នំពេញ ១ឡានសាំយ៉ុងបង់អស់ជិត២០០.០០០រៀលក្នុង១ជើងឯណោះ.ពួកគាត់ទៅលែងរួចហើយ.!!។

ក្នុងនោះ បើគយចាប់ឡានពួកគាត់ គឺដោះមកវិញត្រូវចាយអស់

ចាប់ពី២.០០០.០០០រៀល ទៅ៣.០០០.០០០រៀល សម្រាប់រថយន្ត១គ្រឿង។

ជាក់ស្តែងៈ នៅដើមខែមករា ឆ្នាំ២០២៦នេះ មានរថយន្ត៣គ្រឿងហើយ ដែលទើបដោះចេញ ពីសាខាគយខេត្តតាកែវ និងបង់លុយដូចការរៀបរាប់ខាងលើ..។

 លោក ស៊ុន ឆាយ ប្រធានសាខាគយ និងរដ្ឋាករ ខេត្តតាកែវ នៅរសៀលថ្ងៃទី០៨.មករាឆ្នាំ២០២៦ មិនទាន់ឃើញមានការបកស្រាយករណីយ៍ក្រុមអាជីវករទាំងនោះចេញតវ៉ានោះទេ។

   បើតាមទង្វើ របស់លោក ស៑ុន ឆាយ ដែលចេះតែមានរឿងស្អុយរលួយជាបន្តបន្ទាប់បែបនេះ តើថ្នាក់ដឹកនាំដែលជាមនុស្សស្វែងរកចំណូលចូលជាតិក្នុង រួមចំណែកកសាងជាតិ អភិវឌ្ឍជាតិ ដូច ឯកឧត្តម បណ្ឌិត សភាចារ្យ អូន ព័ន្ធមុន្នីរ័ត្ន និង ឯកឧត្តម បណ្ឌិត គុណ ញឹម មានចំណាប់អារម្មណ៍យ៉ាងម្តេច ទង្វើ លោក ស៑ុន ឆាយ បាទ ?.....៕

(សូមអានបន្ត)

តើលំហូរជនជាតិវៀតណាម ចេញចូលតាមតែអំពើចិត្ត មកលេងល្បែងស៊ីសង ជាចំណូល ក្នុងដែនសមត្ថកិច្ច របស់ លោក សក់ ម៉ក់ ឬ ?

   តើលំហូរជនជាតិវៀតណាម ចេញចូលតាមតែអំពើចិត្ត មកលេងល្បែងស៊ីសង ជាចំណូល ក្នុងដែនសមត្ថកិច្ច របស់ លោក សក់ ម៉ក់ ឬ ?

     ចំណូលពីល្បែងស៊ីសង ធ្វើឲ្យលំហូរជនជាតិវៀតណាម ចេញចូលស្ទើរជារៀងរាល់ថ្ងៃ តាមច្រកព្រំដែន សំរោង ហៅសៀងហៃ ស្ថិតនៅឃុំ សំរោង ស្រុកចន្ទ្រា ខេត្តស្វាយរៀង ក្នុងដែនសមត្ថកិច្ចគ្រប់គ្រងដោយលោកសក់ ម៉ក់ ជាប្រធានច្រកព្រំដែន។ ប្រភពពីពលរដ្ឋ នៅច្រកព្រំដែនសំរោង ហៅសៀង ហៃ បានប្រាប់អ្នកកាសែតថា ស្ទើរជារៀងរាល់ថ្ងៃ ជនជាតិវៀតណាម បាននាំគ្នាសម្រុកឆ្លងដែន ដើម្បីប្រមូលផ្ដុំគ្នា យ៉ាងភ្លូកទឹក ភ្លូកដី ដើម្បីលេងល្បែងស៊ីសងមាន់ ជល់ ផ្លែដែក ក្នុងមួយៗគូររាប់សិបលានដុង ដោយស្រែក ហ៊ោរកញ្ជ្រៀវ ម៉ាសេរី ជ្រកក្រោមដំបូល កាស៊ីណូ៦៧ ស្ថិតនៅឃុំ សំរោង ស្រុកចន្ទ្រា  គ្មានសម្ថតកិច្ច និងស្ថាប័នពាក់ពន្ធ័ណាមួយ ចេញមុខបង្រ្កាបសោះឡើយ?។ 

    សូមជម្រាបថា ទោះបីជាកន្លងមក សម្ដេច តេជោ ប្រធានព្រឹទ្ធសភា ដែលជាបិតាសន្តិភាព ផ្កាយ៥ផុតលេខ និងស្ដេច មហា បវរ ធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានដាក់បទបញ្ជាយ៉ាងមុឺងម៉ាត់ជាទីបំផុត និងបានប្រគល់ដាវអាជ្ញាសឹក ដល់ នគរបាល ស្នងការនិងអភិបាលរាជធានីខេត្ត អោយយកចិត្តទុកដាក់បង្រ្កាប បទល្មើសល្បែងស៊ីសងខុសច្បាប់គ្រប់ប្រភេទ ទូរទាំងប្រទេស យ៉ាងណាក្ដី ក៍ដូចជាគ្មានប្រសិទ្ធភាពដែរពីព្រោះមន្រ្តីពាក់ពន្ធ័ទាំងនោះ ទំនងខ្លាចអំណាច ឥទ្ធិពលម្ចាស់កាស៊ីណូ ៦៧ ច្រកព្រំដែន សំរោង ហៅសៀងហៃ ជាង អនុសាសន៍របស់សម្តេចទាំងទ្វេរទៅទៀត។

 ប្រភពខាងលើបានឲ្យដឹងទៀតថា កាស៊ីណូខាងលើនេះ បានបិទមួយរយៈពេលកន្លងមកហើយ  ដោយបានចាប់ដំណើរ ការឡើងវិញ ជាមួយនឹងល្បែងស៊ីសងមាន់ជល់ផ្លែដែក។ រីឯអ្នកចូលទៅលេងល្បែងស៊ីសង នៅទីនេះ ភាគរយខ្ពស់ជាជនវៀតណាម បាននាំគ្នាសម្រុកឆ្លងដែន ចូលទៅលេងដោយមិនមានការព្រួយបារម្ភសោះឡើយ?។ ប្រភពខាងលើបាន​បញ្ជាក់​ឲ្យដឹងទៀតថា? អ្នក​ដែល​ហ៊ានបើកល្បែងជល់មាន់​ខ្នាតធំ​  ប្រហែលជា​មាន​ខ្នងបង្អែក រឹងមាំ​នៅ​ពីក្រោយខ្នងសម្បើមណាស់ហើយមើលទៅ ទើបអាចដំណើរការបានរលូនជារៀងរាល់ថ្ងៃបែបនេះ។                               ក្តីកង្វល់ របស់ប្រជាពលរដ្ឋរសនៅ សព្វថ្ងៃនេះ មានការព្រួយបារម្ភ និងភាពភ័យខ្លាច ជាខ្លាំង ចំពោះបញ្ហា អសន្តិសុខ សង្គម ក្នុងមូល​មូលដ្ឋាន របស់ពួកគាត់ ព្រោះថា ទីណា មានល្បែងស៊ីសង ទីនោះមិនយូរមិនឆាប់ទេ កើតមាននូវ អំពើ  បទល្មើស ដូចជា ចោរលួច ចោរឆក់ និងចោរប្លន់ ជាពិសេស អំពើហិង្សា ក្នុងគ្រួសារ ជាដើម។ទាក់ទិននិងករណីខាងលើនេះ លោក ជិន សុភឿន អធិការស្រុកចន្រ្ទា បានបញ្ជាក់ប្រាប់អ្នកកាសែតថា លោកគ្មានសម្ថតភាពក្នុងការបង្រ្កាបឡើយ សូម្បីតែលោកទៅដល់ ក៍គេមិនមើលមុខផង។ដោយឡែកលោកស ក់ម៉ក់ បណ្តាញសារព័ត៌មានយើងខ្ញុំមិនអាចសូមការបំភ្លឺលំអិតបាននោះទេ?ដោយលោកសក់ ម៉ក់ មិនទទួលទូរស័ព្ទ។

    ប្រជាពលរដ្ឋ ក្នុងស្រុកចន្ទ្រា សំណូមពរទៅដល់ ឧត្តមសេនីយ៍ទោ ពេជ្រ វីរៈ ស្នងការនគរបាល ខេត្ត​ស្វាយរៀង រួមនឹងឯកឧត្តម ប៉េង ពោធិ៍សា អភិបាល ខេត្តស្វាយរៀង ផលគោលនយោបាយ-ភូមិ-ឃុំ-សង្កាត់-មាន

សុវត្ថិភាព”(មានលក្ខណៈសម្បត្តិ ៧យ៉ាង).៕

គេហទំព័រ(នគរខ្មែរ) www.knkndaily.com.kh  0976887728

(សូមអានបន្ត)

អំណាចលោក នូ សុីថា មេគយចល័តលើផ្ទៃប្រទេស មានអំនួត ក្អេងក្អាង សំបូរ លុយផឹកសុីសប្បាយ ដោយមិនខ្លាច រអាថ្នាក់ដឹកនាំទេឬ ?

 

  អំណាចលោក នូ សុីថា មេគយចល័តលើផ្ទៃប្រទេស មានអំនួត ក្អេងក្អាង សំបូរ លុយផឹកសុីសប្បាយ ដោយមិនខ្លាច រអាថ្នាក់ដឹកនាំទេឬ ?

   

   កាលពីរសៀលថ្ងៃទី០២ខែមករា ឆ្នាំ២០២៥ លោក ផែង វណ្ណៈ លើកឡើងក្នុងផេកផ្លូវការរបស់គាត់ភ្ជាប់ជាមួយរូបថតរបស់លោក នូ សុីថា មេគយចល័តទូទាំងប្រទេស(ប្រធាននាយកដ្ឋានបង្កា និងបង្ក្រាបទំនិញគេចពន្ធ)ដោយលើកឡើងថា មានគេខ្សិបប្រាប់ថាមេគយចល័តទូទាំប្រទេសសប្បាយផឹកសុីរាល់យប់ បើសិនជាការពិត តើគាត់មានបេះដូងជាតិនិយមខ្លះទេ? ជាពិសេសយកឈ្មោះថ្នាក់ដឹងនាំអួតរហូត?

   ការលើកឡើងរបស់លោក ផែង វណ្ណៈ ចំៗលើលោកប្រធានគយចល័តទូទាំងប្រទេសនេះបានធ្វើឲ្យមានការរំជើបរំជួលយ៉ាងខ្លាំងនៅក្នុងអគ្គនាយកដ្ឋានគយ និងរដ្ឋាករកម្ពុជាទាំងមូល កាលពីរសៀលថ្ងៃ០២ មករារហូតដល់ពេលយប់ថ្ងៃដដែលក៏មានការពឹងពាក់អ្នកឧកញ៉ាដ៏ឥទ្ធិពល និងមានអំណាចបំផុតល្បីឈ្មោះម្នាក់ ចេញមុខអន្តរាគមន៍និយាយស្នើសុំលោក ផែង វណ្ណៈ ទម្លាក់រឿងចោល ហើយមកដល់ព្រឹកថ្ងៃទី៣ ខែមករា រឿងរ៉ាវនេះក៏បានលុបបាត់ពីផេកផ្ទាល់ខ្លួនរបស់លោក ផែង វណ្ណៈតែម្តង នេះបើតាមប្រភពពីមន្ត្រីក្រសួងហិញ្ញវត្ថុមួយរូបលួចខ្សិបប្រាប់ឲ្យដឹង។

   ពាក់ព័ន្ធនឹងរឿងរ៉ាវអាស្រូវរបស់លោក នូ សុីថាមេគយចល័តទូទាំងប្រទេសនេះ មន្ត្រីដដែលខាងលើក៏បានឲ្យដឹងទៀតថា លោក នូ សុីថា ពិតជាមាបុណ្យបារមីខ្ពស់ណាស់ ព្រោះថាក្រោយចូលកាន់តំណែងជាប្រធានគយចល័តទូទាំងប្រទេស ជំនួសលោក កើត​សុធារ៉ា ភ្លាមលោក នូ សុីថា បានសុំពន្យាចូលនិវត្តន៍បានរហូតដល់៥ឆ្នាំឯណោះ ដើម្បីលោកមានឱកាសច្រើនប្រមូលលុយ ដែលបានចំណាយដ៏ច្រើនមហិមា ក្នុងតំណែងដ៏សំខាន់មួយនេះមកវិញ។

   ម៉្យាងក្រោយចូលកាន់តំណែងភ្លាមលោក នូ សុីថា ក៏បានធ្វើកំណែទម្រង់រៀបផែនការរុះរើតំណែងមេគយចល័តតាមតំបន់នានាទាំង៦ជាបន្តបន្ទាប់ ដែលករណីនេះត្រូវបានមន្ត្រីគយចល័តមួយចំនួនលើកឡើងថា ការដកអ្នកចាស់ដាក់អ្នកថ្មីជាបក្ខពួកខ្លួន គឺដើម្បីងាយស្រួលប្រមូលកញ្ចប់ពិសេសៗ ពីក្រុមហ៊ុនជាអាជីវករនាំចូល និងនាំចេញទំនិញនានាឲ្យបានច្រើនតែប៉ុណ្ណោះ។

   ក្រោយចូលកាន់តំណែងមិនយូរប៉ុន្មានផង លោក នូ សុីថា គិតតែសប្បាយហុឺហា ផឹកស្ទើររាល់យប់ ផឹកសុទ្ធតែស្រាថ្លៃៗ ហើយមិនសូវខ្វាយខ្វល់គ្រប់គ្រងការងារ ឬខំប្រមូលពន្ធតាមផែនការដែលអគ្គនាយដ្ឋានគយនិងរដ្ឋាករប្រគល់ឲ្យទេ ដោយសារលោកមានខ្នងបង្អែកធំ( យកឈ្មោះថ្នាក់ដឹកនាំទៅប្រើ)ធ្វើរបងការពារ និងម៉្យាងទៀតអាងតែលើរបាយការណ៍ដែលមន្ត្រីរបស់ខ្លួនរាយការណ៍ឲ្យតែប៉ុណ្ណោះ។

   កាលពីអំឡុងពេលដើមឆ្នាំ២០២៥លោក នូ សុីថា បានដឹកនាំកម្លាំងគយចល័ត ជាពិសេសបានសហការជាមួយគយចល័តតំបន់១ដឹកនាំដោយលោក អ៊ួន សុវណ្ណារ៉ា បើកប្រតិបត្តិការយ៉ាងស្ងៀមស្ងាត់ ចុះឆែកឆេរឃ្លាំងស្តុកទំនិញធំៗជាច្រើនទីតាំនៅក្នុងក្រុងភំពេញដើម្បីពិនិត្យអនុលោមភាពទំនិញ ដូចជាម៉ាសុីនត្រជាក់ ទូរស័ព្ទដៃទំនើប កុំព្យូទ័រ គ្រឿងអេឡិចត្រូនិចដែលរដ្ឋហាមឃាត់ គ្រឿងទឹក និងគ្រឿងឧបភោគបរិភោគ ដោយបានរកឃើញទំនិញគេចពន្ធជាច្រើនសន្ធឹកសន្ធាប់ ស្ទើរគ្រប់ឃ្លាំង ហើយកាលណោះមិនដឹងថាបានចំណូលពន្ធចូលរដ្ឋប៉ុន្មាននោះទេ?(របៀបគោះទឹកបង្អើលត្រី)។ ប៉ុន្តែបច្ចុប្បន្នឃ្លាំងស្តុកទំនិញទាំងនោះនៅតែអាចបន្តបង្ហូរទំនិញគេចពន្ធដែលរដ្ឋហាមឃាត់ចូលឃ្លាំងដូចមុន និងកាន់តែច្រើនជាងមុនទៀតផង ហើយបន្តចែកចាយនៅទូទាំងប្រទេស តាមផ្សារ តាមដេប៉ូនានា តាមកាសុីណូនៅជាយដែន និងការដ្ឋានសំណង់ក្នុងតំបន់សេដ្ឋកិច្ចពិសេសរបស់ក្រុមហ៊ុនវិនិយោគ គ្រប់ខេត្តក្រុង។ បើតាមការឲ្យដឹងគឺមានឃ្លាំងស្តុកទំនិញគេចពន្ធ ឬបង់ពន្ធមិនគ្រប់រាប់រយទីតាំងនៅក្នុងក្រុងភ្នំពេញ សុទ្ធតែនៅក្នុងដៃលោកប្រធានគយចល័តដ៏ល្បីឈ្មោះរូបនេះរួចទៅហើយនាពេលបច្ចុប្បន្ន ប៉ុន្តែចំពោះវិធានការបង្ក្រាបដើម្បីប្រមូលពន្ធចូលរដ្ឋវិញហាក់ស្ងៀមស្ងាត់ទៅហើយ។ ករណីបែបនេះក៏មានការលើកឡើងថា ទំនងម្ចាស់ឃ្លាំងឬម្ចាស់ទំនិញទាំងអស់នោះ មិនថាជនជាតិខ្មែរ ឬជនបរទេស សុទ្ធតែបានចូលសុំជ្រកកោនលោកប្រធានដើម្បីបានបន្តរកសុីខុសច្បាប់លួចគេបន្លំពន្ធចំណូលជាតិដ៏ច្រើនសន្ធឹកសន្ធាប់រួចទៅហើយ។ សំណួរគ្មានចម្លើយតើរដ្ឋខាតបង់ចំណូលជាតិច្រើនរយលានដុល្លារទៅក្នុងងមួយឆ្នាំៗ ?  ហេតុអ្វីមន្ត្រីគយចល័តដាក់មន្ត្រីរាយគ្រប់ផ្លូវជាតិ គ្រប់ច្រកល្ហកតាមព្រំដែន បែរជាបណ្តោយរថយន្តដឹកទំនិញគេចពន្ធ ទំនិញបង់ពន្ធមិនគ្រប់ហូរចូលដល់ក្រុងភ្នំពេញងាយស្រួលមកច្រើនសម្បើមយ៉ាងនេះយ៉ាងនេះ?....។

    ក្រៅពីនោះក៏មានការលើកឡើងថា ឈ្មោះ នូ សុីថា នេះគឺជាឈ្មោះទិញ មិនមែនឈ្មោះពីកំណើតរបស់លោកប្រធានគយចល័តរូបនេះឡើយ ដែលមន្ត្រីគយភាគច្រើនសុទ្ធតែបានដឹង។

     គួរបញ្ជាក់ថាកាលពីដំបូងឡើយលោក នូ សុីថា ជាមន្ត្រីគយម្នាក់ប្រចាំនៅក្នុងស្រុកមេមត់(អតីតក្នុងខេត្តកំពង់ចាម) ដោយបានរាប់អានជាមួយដង្ខៅដឹកប្រេងគេចពន្ធដ៏មានអំណាចល្បីឈ្មោះម្នាក់ជាបងប្អូនធម៌ ក្រោយមកក៏បានឡើងជាប្រធានសាខាគយ និងរដ្ឋាករខេត្តត្បូងឃ្មុំ និងបន្តទៅកាន់ជាប្រធានសាខាគយ និងរដ្ឋាករខេត្តបន្ទាយមានជ័យបាន១អាណត្តិ  រួចក៏មានសំំណាងបានទទួលតួនាទីជាប្រធាននាយកដ្ឋានបង្កា និងបង្ក្រាបបទល្មើសទំនិញគេចពន្ធ នៃអគ្គនាយកដ្ឋានគយនិងរដ្ឋាករកម្ពុជា(ប្រធានគយចល័ត) ដែលមន្ត្រីគយគ្រប់រូបនរណាៗក៏ស្រក់ទឹកមាត់ប្រាថ្នាចង់បានតំណែងមួយនេះគ្រប់ៗគ្នា តែគ្មានសំណាងធំដូចលោក នូ សុីថាឡើយ..sic!។

    ពាក់ព័ន្ធនឹងការលើកឡើងខាងលើ អង្គភាពគេហទំព័រសារព័ត៌មាន គេហទំព័រ (សម្លេងរាជសីហ៍) មិនអាចសុំការបកស្រាយពីលោក នូ សុីថា តាមប្រព័ន្ធតេលេក្រាមបានទេនៅរសៀលថ្ងៃទី០៣ ខែធ្នូនេះ ដោយលោកគ្រាន់តែចូលមើលខ្លឹមសារសំណួរ តែមិនឆ្លើយតប....៕

ទូរស័ព្ទ 0976887728

(សូមអានបន្ត)

 

ស្ថានការណ៍នៅតាមបន្ទាត់ព្រំដែនកម្ពុជា-ថៃ អំពី ករណីយោធាថៃនៅតែបន្តធ្វើសកម្មភាពបាញ់ប្រហារចូលទីតាំងប្រជាជនស៊ីវិលកម្ពុជា និងហេដ្ឋារចនាសម្ព័ន្ធស៊ីវិល នៅយោធភូមិភាគទី៥ ក្នុងភូមិសាស្រ្តស្រុកបាណន់ ខេត្តបាត់ដំបង នាថ្ងៃទី២៤ ខែធ្នូ ឆ្នាំ២០២៥៖

ក្រសួងការពារជាតិ !
- ម៉ោង ១០:០០នាទី យោធាថៃបានប្រើប្រាស់យន្តហោះចម្បាំងប្រភេទ (T-50) ទម្លាក់គ្រាប់បែកចំនួន ៤គ្រាប់ចូលក្នុងភូមិដែលមានប្រជាជនកំពុងរស់នៅ ចូលជ្រៅក្នុងដែនអធិបតេយ្យកម្ពុជា ស្ថិតក្នុងភូមិសាស្ត្រស្រុកបាណន់ ខេត្តបាត់ដំបង។
សកម្មភាពខាងលើជាការវាយប្រហារដ៏កំរោល ដោយមិនរើសគោលដៅរបស់យោធាថៃ ជាការរំលោភបំពានច្បាប់មនុស្សធម៌អន្តរជាតិ។ 
កងកម្លាំងកម្ពុជាបាននឹងបន្តតាមដានយ៉ាងយកចិត្តទុកដាក់ និងឈរជើងយ៉ាងរឹងមាំ ស្វាហាប់ មោះមុត  និងប្រុងប្រយ័ត្នខ្ពស់ជានិច្ច ក្នុងការបំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា និងសេចក្តីថ្លៃថ្នូររបស់យើងដោយអង់អាចក្លាហាន ដោយមិនងាករេជាដាច់ខាតទោះក្នុងតម្លៃ ណាក៏ដោយ។ 
✍🏻សូមបងប្អូនប្រជាពលរដ្ឋតាមដាននិងទទួលព័ត៌មានពីប្រភពផ្លូវការ ព្រមទាំងចូលរួមសហការណ៍ និងគោរពទៅតាមការណែនាំរបស់អាជ្ញាធរមូលដ្ឋានទាំងអស់គ្នា។
ព័ត៌មានលម្អិតនឹងរាយការណ៍ជូននៅពេលក្រោយ៕

Please be informed of the situation along the Cambodia–Thailand border, where Thai military forces have continued their armed aggression in Cambodian sovereign territory, targeting civilian areas and infrastructure in the 5th Military Region, Banan District, Battambang Province, on December 24, 2025.
- At 10:00am, the Thai military deployed T-50 fighter jets to drop four bombs into a civilian residential area where civilians were residing, further deep into Cambodian sovereign territory in Banan district, Battambang province.
The brutal actions above are indiscriminate attacks by the Thai military, a serious violation of international humanitarian law. 
The Cambodian forces continue to monitor the situation closely, and stand strong, brave and remain vigilant in fulfilling their roles to protect the territorial integrity of Cambodia. We will protect our dignity with courage and unwavering resolve, at any cost, and without succumbing to coercion or intimidation in any form. 
✍🏻It is advised that fellow citizens follow information from official sources, cooperate and comply with the instructions of all local authorities.
Further detailed information will be provided later as the situation develops.

#CambodiaNeedsPeace #JusticeForCambodia #ThailandInvadedCambodia
#ក្រសួងការពារជាតិ  #កម្ពុជា​  #សន្តិភាពនៅកម្ពុជា  #យើងជឿជាក់លើរាជរដ្ឋាភិបាលនិងសមត្ថភាពកងទ័ពរបស់យើង #វីរកងទ័ពជួរមុខ​ #កងទ័ពកម្ពុជា
 #CambodiaDefenceNotInvade #CivilianAreNotATarge
#Cambodia #modgovkh #Peaceincambodia 
#ThailandViolatestheceasefire #ThailandStartedTheWar   #WorldNews
----------------------------------
- តេឡេក្រាម ក្រសួងការពារជាតិ https://t.me/modgovkhm
- គេហទំព័រ ក្រសួងការពារជាតិ https://mod.gov.kh/
- ទិកតុក ក្រសួងការពារជាតិ https://www.tiktok.com/@modgovkhm
- អិច ក្រសួងការពារជាតិ https://x.com/modgovkh
- យូ ធូប ក្រសួងការពារជាតិ https://www.youtube.com/@modgovkhm


(សូមអានបន្ត)

 

 តើលំហូរជនជាតិវៀតណាម ចេញចូលតាមតែអំពើចិត្ត ក្នុងដែនសមត្ថកិច្ច របស់លោកសក់ម៉ក់ ដើម្បីលេងល្បែងស៊ីសងជល់មាន់ ផ្លែដែក ជា ចំំណីអាហារដ៏ឆ្ងាញ់របស់លោកឬ ?

     រឿងលំហូរជនជាតិវៀតណាម ចេញចូលស្ទើរជារៀងរាល់ថ្ងៃ តាមច្រកព្រំដែន សំរោង ហៅសៀងហៃ ស្ថិតនៅឃុំ សំរោង ស្រុកចន្ទ្រា ខេត្តស្វាយរៀង ក្នុងដែនសមត្ថកិច្ចគ្រប់គ្រងដោយលោកសក់ ម៉ក់ ជាប្រធានច្រកព្រំដែន។ ប្រភពពីពលរដ្ឋ នៅច្រកព្រំដែនសំរោង ហៅសៀង ហៃ បានប្រាប់អ្នកកាសែតថា ស្ទើរជារៀងរាល់ថ្ងៃ ជនជាតិវៀតណាម បាននាំគ្នាសម្រុកឆ្លងដែន ដើម្បីប្រមូលផ្ដុំគ្នា យ៉ាងភ្លូកទឹក ភ្លូកដី ដើម្បីលេងល្បែងស៊ីសងមាន់ ជល់ ផ្លែដែក ក្នុងមួយៗគូររាប់សិបលានដុង ដោយស្រែក ហ៊ោរកញ្ជ្រៀវ ម៉ាសេរី ជ្រកក្រោមដំបូល កាស៊ីណូ៦៧ ស្ថិតនៅឃុំ សំរោង ស្រុកចន្ទ្រា  គ្មានសម្ថតកិច្ច និងស្ថាប័នពាក់ពន្ធ័ណាមួយ ចេញមុខបង្រ្កាបសោះឡើយ?។ 

    សូមជម្រាបថា ទោះបីជាកន្លងមក សម្ដេច តេជោ ប្រធានព្រឹទ្ធសភា ដែលជាបិតាសន្តិភាព ផ្កាយ៥ផុតលេខ និងស្ដេច មហា បវរ ធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានដាក់បទបញ្ជាយ៉ាងមុឺងម៉ាត់ជាទីបំផុត និងបានប្រគល់ដាវអាជ្ញាសឹក ដល់ នគរបាល ស្នងការនិងអភិបាលរាជធានីខេត្ត អោយយកចិត្តទុកដាក់បង្រ្កាប បទល្មើសល្បែងស៊ីសងខុសច្បាប់គ្រប់ប្រភេទ ទូរទាំងប្រទេស យ៉ាងណាក្ដី ក៍ដូចជាគ្មានប្រសិទ្ធភាពដែរពីព្រោះមន្រ្តីពាក់ពន្ធ័ទាំងនោះ ទំនងខ្លាចអំណាច ឥទ្ធិពលម្ចាស់កាស៊ីណូ ៦៧ ច្រកព្រំដែន សំរោង ហៅសៀងហៃ ជាង អនុសាសន៍របស់សម្តេចទាំងទ្វេរទៅទៀត។

 ប្រភពខាងលើបានឲ្យដឹងទៀតថា កាស៊ីណូខាងលើនេះ បានបិទមួយរយៈពេលកន្លងមកហើយ  ដោយបានចាប់ដំណើរ ការឡើងវិញ ជាមួយនឹងល្បែងស៊ីសងមាន់ជល់ផ្លែដែក។ រីឯអ្នកចូលទៅលេងល្បែងស៊ីសង នៅទីនេះ ភាគរយខ្ពស់ជាជនវៀតណាម បាននាំគ្នាសម្រុកឆ្លងដែន ចូលទៅលេងដោយមិនមានការព្រួយបារម្ភសោះឡើយ?។ ប្រភពខាងលើបាន​បញ្ជាក់​ឲ្យដឹងទៀតថា? អ្នក​ដែល​ហ៊ានបើកល្បែងជល់មាន់​ខ្នាតធំ​  ប្រហែលជា​មាន​ខ្នងបង្អែក រឹងមាំ​នៅ​ពីក្រោយខ្នងសម្បើមណាស់ហើយមើលទៅ ទើបអាចដំណើរការបានរលូនជារៀងរាល់ថ្ងៃបែបនេះ។                               ក្តីកង្វល់ របស់ប្រជាពលរដ្ឋរសនៅ សព្វថ្ងៃនេះ មានការព្រួយបារម្ភ និងភាពភ័យខ្លាច ជាខ្លាំង ចំពោះបញ្ហា អសន្តិសុខ សង្គម ក្នុងមូល​មូលដ្ឋាន របស់ពួកគាត់ ព្រោះថា ទីណា មានល្បែងស៊ីសង ទីនោះមិនយូរមិនឆាប់ទេ កើតមាននូវ អំពើ  បទល្មើស ដូចជា ចោរលួច ចោរឆក់ និងចោរប្លន់ ជាពិសេស អំពើហិង្សា ក្នុងគ្រួសារ ជាដើម។ទាក់ទិននិងករណីខាងលើនេះ លោក ជិន សុភឿន អធិការស្រុកចន្រ្ទា បានបញ្ជាក់ប្រាប់អ្នកកាសែតថា លោកគ្មានសម្ថតភាពក្នុងការបង្រ្កាបឡើយ សូម្បីតែលោកទៅដល់ ក៍គេមិនមើលមុខផង។ដោយឡែកលោកស ក់ម៉ក់ បណ្តាញសារព័ត៌មានយើងខ្ញុំមិនអាចសូមការបំភ្លឺលំអិតបាននោះទេ?ដោយលោកសក់ ម៉ក់ មិនទទួលទូរស័ព្ទ។

    ប្រជាពលរដ្ឋ ក្នុងស្រុកចន្ទ្រា សំណូមពរទៅដល់ ឧត្តមសេនីយ៍ទោ ពេជ្រ វីរៈ ស្នងការនគរបាល ខេត្ត​ស្វាយរៀង រួមនឹងឯកឧត្តម ប៉េង ពោធិ៍សា អភិបាល ខេត្តស្វាយរៀង ជាពិសេស ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ សូមជួយចាត់មន្ត្រី ពាក់ព័ន្ធ ក្រោមឪវាទ ចុះទប់ស្កាត់ និងបង្ក្រាប! ទីតាំងបទល្មើសល្បែង(បញ្ជាល់មាន់)និងល្បែងខុសច្បាប់ គ្រប់ ប្រភេទ ក្នុង(កាស៊ីណូ 67)មួយកន្លែង ក្បែរច្រកទ្វារព្រំដែន សំរោង(ហៅច្រក សៀងហៃ) ស្ថិតក្នុងភូមិសាស្ត្រខាងលើនេះផង ស្របតាមគោលនយោបាយ-ភូមិ-ឃុំ-សង្កាត់-មានសុវត្ថិភាព”(មានលក្ខណៈសម្បត្តិ ៧យ៉ាង)..៕

(សូមអានបន្ត)

ឯកឧត្តម ហេង សួរ បាននាំយកអំណោយរបស់សប្បុរសជន ម្ចាស់សហគ្រាស ក្រុមហ៊ុន រោងចក្រ ថ្នាក់ដឹកនាំសហជីព និងបងប្អូនកម្មករនិយោជិត ជូនរដ្ឋបាលខេត្តបន្ទាយមានជ័យ សម្រាប់ផ្តល់ជូនវីរកងទ័ព គ្រួសារវីរកងទ័ព និងបងប្អូនភៀសសឹក

   ឯកឧត្តម ហេង សួរ បាននាំយកអំណោយរបស់សប្បុរសជន ម្ចាស់សហគ្រាស ក្រុមហ៊ុន រោងចក្រ ថ្នាក់ដឹកនាំសហជីព និងបងប្អូនកម្មករនិយោជិត ជូនរដ្ឋបាលខេត្តបន្ទាយមានជ័យ សម្រាប់ផ្តល់ជូនវីរកងទ័ព គ្រួសារវីរកងទ័ព និងបងប្អូនភៀសសឹក 

(បន្ទាយមានជ័យ)៖ នាព្រឹកថ្ងៃទី១៩ ខែធ្នូ ឆ្នាំ២០២៥នេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានដឹកនាំថ្នាក់ដឹកនាំមន្រ្តីក្រសួង តំណាងនិយោជក សហគ្រាស ក្រុមហ៊ុន រោងចក្រ និងអង្គភាពពាក់ព័ន្ធ ចុះសំណេះសំណាល សួរសុខទុក្ខ និងនាំយកអំណោយជាសម្ភារគ្រឿងឧបភោគបរិភោគ សម្រាប់ផ្តល់ជូនបងប្អូនប្រជាពលរដ្ឋភៀសសឹក ក្រុមគ្រួសារកងទ័ព និងវីរកងទ័ព នៅក្នុងខេត្តបន្ទាយមានជ័យ។ 

អំណោយទាំងនេះ ត្រូវបានប្រគល់ជូនឯកឧត្តម ឌិត ទីណា រដ្ឋមន្រ្តី ក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ និងឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ។

ក្នុងឱកាសនោះ ឯកឧត្តមរដ្ឋមន្រ្តី មានប្រសាសន៍ថា ឈរលើស្មារតី «ខ្មែរស្រឡាញ់ខ្មែរ ខ្មែរជួយខ្មែរ ខ្មែរតែមួយ» អំណោយដែលយើងត្រូវរួមគ្នាជួយនាពេលនេះ គឺជាការឆ្លើយតបក្នុងគ្រាលំបាកខ្វះខាតទាំងឡាយនៅចំពោះមុខ ខណៈដែលខេត្តនៅជាប់ព្រំដែនត្រូវប្រឈមដោះស្រាយជូនប្រជាពលរដ្ឋជាជនភៀសសឹកនៅតាមព្រំដែន និងគ្រួសារកងទ័ព។ 

តាមរយៈម្ចាស់ជំនួយតាមបណ្ដាសហគ្រាស ក្រុមហ៊ុន រោងចក្រ ថ្នាក់ដឹកនាំសហជីព សប្បុរសជន និងម្ចាស់ជំនួយទាំងអស់ដែលបានស្រឡាញ់ជាតិមាតុភូមិ សមរភូមិក្រោយបាននិងកំពុងប្តេជ្ញារួមគ្នាជាធ្លុងមួយ ដើម្បីគាំទ្រសមរភូមិមុខ ដោយឯកឧត្តម ហេង សួរ បានថ្លែងថា សកម្មភាពនេះក៏បានបញ្ជាក់ឱ្យឃើញថា ទោះខ្មែរយើងស្ថិតក្នុងស្ថានភាពណាក៏ដោយ ក៏យើងមិនដែលបោះបង់គ្នាចោលនោះឡើយ ពោលគឺយើងចេះជួយគ្នា ទៅតាមលទ្ធភាព និងជាការគោរពដឹងគុណចំពោះវីរកងទ័ពជួរមុខដ៏អង់អាចក្លាហានដែលកំពុងបំពេញកាតព្វកិច្ចការពារទឹកដី ប្រឆាំងការឈ្លានពានយ៉ាងឃោរឃៅពីសំណាក់យោធាថៃ។

ក្នុងនាមក្រុមការងាររាជរដ្ឋាភិបាលចុះមូលដ្ឋានខេត្ត និងរដ្ឋបាលខេត្ត ឯកឧត្តម ឌិត ទីណា និងឯកឧត្តម អ៊ុំ រាត្រី បានថ្លែងអំណរគុណយ៉ាងជ្រាលជ្រៅជាទីបំផុតចំពោះក្រសួងការងារ និងបណ្តុះបណ្តាលវិជ្ជាជីវៈ សប្បុរសជន និងម្ចាស់ជំនួយទាំងអស់ ដែលបាននាំមកជាអំណោយសម្ភារ សម្រាប់ផ្តល់ជូនដល់ជនភៀសសឹក និងក្រុមគ្រួសារកងទ័ពនាពេលនេះ។ ឯកឧត្តមបញ្ជាក់ថា ក្រុមការងាររាជរដ្ឋាភិបាលចុះមូលដ្ឋានខេត្ត និងរដ្ឋបាលខេត្តបន្ទាយមានជ័យ ព្រមទាំងស្ថាប័នពាក់ព័ន្ធ កំពុងខិតខំប្រឹងប្រែងរៀបចំទីជម្រក អាហារ ទឹកស្អាត សេវាសុខាភិបាល និងការថែទាំជាចាំបាច់ ដើម្បីឱ្យបងប្អូនរបស់យើងអាចរស់នៅទីនេះមានសុវត្ថិភាព។

អំណោយ ដែលបានត្រូវប្រគល់ជូននាពេលនេះរួមមាន៖ រថយន្ត Pick up ចំនួន ១គ្រឿង, ថវិកាចំនួន ៤០ ០០០ ០០០រៀល, អង្ករ ចំនួន ៣តោន, ត្រីងៀត ចំនួន ១តោន, សាច់គោងៀត ចំនួន ១តោន, សាច់ក្រក ចំនួន ១តោន, ខ្ទឹមស ចំនួន ៥តោន, បារីសេក ចំនួន ១ ០០០សុង, ទឹកក្រូច Pepsi 330ml ចំនួន ១ ០០០កេស, ទឹកក្រូច Cambodia Cola 330ml ចំនួន ១ ០០០កេស, តង់(4mx6m) ចំនួន ៣០០តង់, ម៉ាស ចំនួន ២០ ០០០ម៉ាស, អាវដៃវែង អាវដៃខ្លី(ប្រុស/ស្រី) និងខោខ្លី(ស្រី) ចំនួន ១ ៥០០, ទឹកផ្លែឈើចិន ចំនួន ៥៥កេស, មីចិន ចំនួន ៨៣កេស, ស្ពៃក្តោប ចំនួន ២ថង់ធំ, ខ្ទឹមបារាំង ចំនួន ២បាវ, ដំឡូង ចំនួន ១បាវ, នំផ្អែមសាំងវិច ចំនួន ២០កេស (៣ ៦០០កញ្ចប់), នំស្នេហាជាតិ ចំនួន ២០០កេស (៦ ០០០នំ), នំរាជនី ចំនួន ១០កេស (១ ២០០កញ្ចប់) និងចេកអំបូងលឿង ចំនួន ៥០កេស៕

(សូមអានបន្ត)

មន្រ្តី ខេត្ត កណ្តាល សរសើរដល់មន្ត្រីគយច្រកទ្វារព្រំដែនអន្តរជាតិជ្រៃធំ និង មេគយចល័ត ចាប់ដៃគ្នាបានល្អក្នុងការស្ពិនភ្នែក ឯកឧត្តមបណ្ឌិត គុណ ញឹម តាមរបៀបជិះសេះលែងដៃហើយទាន?

      មន្រ្តី ខេត្ត កណ្តាល សរសើរដល់មន្ត្រីគយច្រកទ្វារព្រំដែនអន្តរជាតិជ្រៃធំ និង មេគយចល័ត ចាប់ដៃគ្នាបានល្អក្នុងការស្ពិនភ្នែក ឯកឧត្តមបណ្ឌិត គុណ ញឹម តាមរបៀបជិះសេះលែងដៃហើយទាន?

     មេគយច្រកទ្វារព្រំដែនអន្តរជាតិជ្រៃធំ ក្រុងសំពៅពូន ខេត្តកណ្តាល សប្បាយចិត្តប្រមូលលុយពីក្រុមឈ្មួញនិងអាជីវករដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ចេញពីប្រទេសវៀតណាមចូលមកប្រទេសខ្មែរយ៉ាងគំហ៊ុកទាំងយប់ទាំងថ្ងៃ

     បើតាមប្រភព​ច្បាស់ការពី​មន្ត្រី​នៅ​ច្រកទ្វារព្រំដែនអន្តរជាតិជ្រៃធំ បានអោយដឹងថា មេគយចល័តនិងមេគយ​ច្រក​ទ្វារព្រំដែនអន្តរជាតិជ្រៃធំ ក្រុងសំពៅពូន ខេត្តកណ្ដាល ប្រើ​តួនាទី និង​អំណាច​ប្រមូល​លុយ​តាមរបៀប​ពុករលួយ​ ដោយ​គ្មាន​ញញើត​អ្វី​ទាំងអស់។​ដោយឡែក​មេគយចល័តនិងមេគយ​ច្រកទ្វារព្រំដែនអន្តរជាតិជ្រៃធំ ខេត្តកណ្ដាល គ្មានន៎ណាហ៊ានប៉ះពាល់ឡើយដោយសារ​មាន​ខ្នងបង្អែក​ក្រាស់​នៅក្នុង​អគ្គនាយកដ្ឋាន​គយ និង​រដ្ឋាករ​កម្ពុជា ទើបក្រុមលោកគយទាំងនោះហ៊ានធ្វើ​អ្វីៗ​តាម​អំពើ​ចិត្ត​មិនញញើតអង្គភាពប្រឆាំងអំពើពុករលួយអ្វីទាំងអស់ ។​

    ក្រុមគយចល័តនិងមេគយច្រកទ្វារព្រំដែនអន្តរជាតិជ្រៃធំ សាង​ភាពល្បីល្បាញ​ខាង​ប្រព្រឹត្តរបៀបពុករលួយ​យ៉ាង​ឆាប់រហ័ស ក្រោយ​ចូលកាន់​តំណង​ជា​ប្រធាន​ការិយាល័យ​គយ​ច្រក​ទ្វារព្រំដែនអន្តរជាតិជ្រៃធំ ក្រុងសំពៅពូន សហការគ្នាជាមួយមេគយចល័តបើកដៃអោយឈ្មួញ​ធំៗ​នាំចូល​ទំនិញ​គេចពន្ធទំនិញបង់ពន្ធមិនគ្រប់និងទំនិញខូចគុណភាពចេញពី​ប្រទេសវៀតណាមចូលមក ប្រទេសខ្មែរ យ៉ាងគគ្រឹកគគ្រេងទាំងយប់ទាំងថ្ងៃគ្មានការត្រួតពិនិត្យអោយបានត្រឹមត្រូវនោះទេ!ទាំងនេះសបញ្ជាក់ឃើញថាជា​ប្រភព​ចំណូល​ដ៏​សំខាន់​របស់​មេគយចល័តនិងមេគយច្រកទ្វារព្រំដែនអន្តរជាតិជ្រៃធំដែល​ល្បីល្បាញ​ខ្លាំង​ខាង​ប្រព្រឹត្តរបៀបពុករលួយ​ទំនិញ​ដែល​ឈ្មួញ​តូចធំនាំ​ចូល​តាម​ច្រក​មួយនេះ បង់ពន្ធ​ប្រមាណ​45​ទៅ​50​ភាគរយ​តែប៉ុណ្ណោះ ហើយ​ក្រៅពីនោះឈ្មួញ​បែងចែក​ផលប្រយោជន៍​ជា​មួយ​សមត្ថកិច្ចគយ សមត្ថកិច្ចជំនាញពាក់ពន្ធ័ប្រចាំច្រកយ៉ាង​ត្រជាក់ចិត្ត​ ។​

       ចំណែក​ឈ្មួញ និង​អាជីវករ​តូចតាច​ដែល​នាំចូល​ទំនិញ​ចេញពី​ប្រទេសវៀតណាមចូលមកប្រទេស ខ្មែរតាម​ច្រក​ទ្វារព្រំដែនអន្តរជាតិជ្រៃធំ ក្រុងសំពៅពូន ខេត្តកណ្ដាល ដែរនោះត្រូវ​មេគយច្រកទ្វារនិងមេគយចល័ត គាប​យក​លុយ​លើ​តុ​ក្រោម​តុ​ស្រេច​តែ​ចិត្តហើយ​គ្មាន​ឈ្មួញណា​ហ៊ាន​តវ៉ា​ឡើយ ។​

ប្រភពពីមន្ត្រី​នៅ​ច្រកទ្វារព្រំដែនអន្តរជាតិជ្រៃធំ បានឲ្យដឹង​ទៀតថា ក្រុម​ឈ្មួញ​សម្រុកនាំទំនិញ គេចពន្ធទំនិញបង់ពន្ធមិនគ្រប់ទំនិញខូចគុណភាពចេញពីប្រទេសវៀតណាមចូលមកប្រទេសខ្មែរទាំងយប់ទាំងថ្ងៃជា​ប្រភព​ចំណូល​ដ៍ធំរបស់​មេគយចល័តនិងមេគយច្រកទ្វារ ដ៍មហិមាប្រចាំច្រកទ្វារព្រំដែនអន្តរជាតិជ្រៃធំ។​

    បើហេតុនេះហើយ​សូមឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួង​សេដ្ឋកិច្ច និង​ហិរញ្ញវត្ថុ និងឯកឧត្តម គុណ ញឹម អគ្គនាយកដ្ឋានគយនិងរដ្ឋាករកម្ពុជា មេត្តាពិនិត្យឡើងវិញនូវភាពមិនប្រក្រតីពុករលួយរបស់មេគយចល័តនិង មេគយច្រកទ្វារព្រំដែនអន្តរជាតិជ្រៃធំ ដែលបើក ដៃអោយឈ្មួញធំៗនាំទំនិញគេចពន្ធទំនិញបង់ពន្ធមិនគ្រប់ចេញពីប្រទេសប្រទេសវៀតណាម ចូលមកប្រទេសខ្មែរតាមច្រកមួយនេះយ៉ាងគំហ៊ុក ហើយមេគយច្រកទ្វារព្រំដែនអន្តរជាតិជ្រៃធំប្រើ​អំណាច​និង​តួនាទី​ប្រមូល​លុយ​លើតុក្រោមតុតាមរបៀបពុករលួយមិនញញើតអ្វីទាំងអស់បាន...៕

(សូមអានបន្ត)