ចេញឈើ ស្ងាត់ៗរបស់ ក្រុមហ៊ុន ណេងណា តាមឡានវ៉េអងមួយខ្សែ យកលុយ ចាយ បុណ្យភ្ជុំបិណ្ឌ ហើយឬ ?

     ចេញឈើ ស្ងាត់ៗរបស់  ក្រុមហ៊ុន ណេងណា តាមឡានវ៉េអងមួយខ្សែ យកលុយ ចាយ បុណ្យភ្ជុំបិណ្ឌ ហើយឬ ?

  មណ្ឌលគិរី ÷  រថយន្តធុនធំប្រភេទវ៉េអងជាច្រើនគ្រឿង ត្រូវគេរាយការណ៍ថា កាលពីរំលងអធ្រាត្រឈានចូលថ្ងៃទី 1 តុលា ឆ្នាំ 2026 នេះ បានដឹកឈើជន្លង់ម្រេចចេញពីក្រុមហ៊ុនមួយឈ្មោះ "ណេងណា" ដែលមានមូលដ្ឋាននៅស្រុកកោះញែក ខេត្តមណ្ឌលគិរី ។

   លោក អ៊ូ សុភក្ដី នាយខណ្ឌរដ្ឋបាលព្រៃឈើខេត្តមណ្ឌលគិរីបានឱ្យដឹងថា ពិតជាមានការនាំឈើចេញពីក្រុមហ៊ុន ណេងណា មែនចំនួន6រថយន្ត ដែលឈើទាំងនោះមានលិខិតដឹកជញ្ជូន ឬ(PC) ត្រឹមត្រូវ ។ យ៉ាងណាមានសេចក្ដីរាយការណ៍ថា រថយន្តខាងលើត្រូវបានឃាត់នៅស្រុកស្នួលខេត្តក្រចេះ ដោយកម្លាំងនគរបាលសេដ្ឋកិច្ច និងអាវុធហត្ថ ហើយបានប្រគល់ឲ្យខាងជញ្ជីងថ្លឹងរថយន្តចាត់ការបន្ត។ ជាមួយគ្នាក៏មានការលើកឡើងដោយជំរុញឲ្យសមត្ថកិច្ចដើមទី ត្រួតពិនិត្យផ្ទៀងផ្ទាត់ឲ្យបានហ្មត់ចត់ មុនពេលអនុញ្ញាតឱ្យចាកចេញ។ 

      សូមបញ្ជាក់ថា កាលពីចុងខែកញ្ញាកន្លងទៅ ភ្នាក់ងារព្រៃឈើខេត្តត្បូងឃ្មុំបានឆ្មក់ឃាត់រថយន្តរបស់ក្រុមហ៊ុន ណេងណា នេះចំនួន 2 គ្រឿងនៅស្រុកមេមត់ ពេលប្រុងបត់ឆ្លងដែនទៅប្រទេសវៀតណាមតាមច្រកកូនជ្រូក ដោយរកឃើញឈើជាច្រើន ផ្ទុកលើសលិខិតអនុញ្ញាត ហើយបានតម្រូវឲ្យបង់ផាកពិន័យចំនួន 100 លានរៀល ៕