www.knkndaily.com.kh
អំណាច ច្រកទ្វេភាគីព្រំដែនដា ជាអំណាចផ្តាច់មុខ របស់ លោក មុយ បញ្ញារិទ្ធ ឬ បានជសធ្វើព្យុះភ្លៀង ហាក់បីដូចជា ពើងទ្រូងជាមួយ ឯកឧត្តម បណ្ឌិត គុណ ញឹម ទាន ?
ច្រកព្រំដែនទ្វេភាគីដា ហៅច្រកដូង7ដើម ស្ថិតនៅ ភូមិដាកណ្តាល ឃុំដា ស្រុកមេមត់ ខេត្តត្បូងឃ្មុំ គឺច្រកទ្វារ ដែលជា សរសៃឈាមសេដ្ឋកិច្ចជាតិ ទ្រទ្រង់ជាតិ ដើម្បីការ អភិវឌ្ឍជាតិ ។
ហេតុអ្វីបានជា លោក មុយ បញ្ញារិទ្ធ ប្រធានការិយាល័យគយច្រកដា ហៅច្រកដូង7ដើម ប្រើតួនាទី និងអំណាចប្រមូលលុយតាមរបៀបពុករលួយយ៉ាងពេញបន្ទុក ដោយគ្មានញញើត ឯកឧត្តមបណ្ឌិត គុណ ញឹម ដែលជាមេកើយ អ្វីឡើយ។ ឯកឧត្តមបណ្ឌិត គុណ ញឹម ជាឥស្សរជន ដ៏ឆ្នើមមួយរូបដែលចូលរួមក្នុងការអភិវឌ្ឍសេដ្ឋកិច្ចជាតិ ចុះហេតុអ្វី លោក មេៗគយក្នុងខេត្តត្បូងឃ្មុំ មុយ បញ្ញារិទ្ធ ហ៑ាន មើលរំលង។
បើតាម ប្រភពស្និទ្ធនឹងលោក មុយ បញ្ញារិទ្ធ បានបង្ហើបឲ្យដឹងថា ឈ្មួញធំៗដែលនាំចូលទំនិញពីស្រុកយួន តាមច្រកព្រំដែនទ្វេភាគីដា ហៅច្រកដូង7ដើម គឺជាប្រភពចំណូលដ៏សំខាន់របស់លោក មុយ បញ្ញារិទ្ធ ដែលកំពុងល្បីល្បាញខ្លាំងខាងពុករលួយ។
ទំនិញដែលឈ្មួញធំៗនាំចូលតាមច្រកទ្វេភាគីដា បង់ពន្ធប្រមាណ45ទៅ50ភាគរយប៉ុណ្ណោះ ហើយក្រៅពីនេះឈ្មួញបែងចែកផលប្រយោជន៍ជាមួយលោក មុយ បញ្ញារិទ្ធ យ៉ាងត្រជាក់ចិត្តតែម្ដង។
ចំណែកឈ្មួញ និងអាជីវករតូចតាចដែលនាំចូលទំនិញពីស្រុកយួន តាមច្រកទ្វេភាគីដា ត្រូវលោក មុយ បញ្ញារិទ្ធ គាបយកលុយលើតុក្រោមតុស្រេចតែចិត្ត ហើយគ្មានអ្នកណាហ៊ានតវ៉ាជាមួយលោកលោក មុយ បញ្ញារិទ្ធ នោះទេ។មន្ត្រីនៅច្រកព្រំដែនទ្វេភាគីដា បានឲ្យដឹងទៀតថា ក្រុមឈ្មួញនាំចេញទៅស្រុកយួន ដូចជា តំឡូងមី ជ័រកៅស៊ូស្អុយ អុសដើមកៅស៊ូ ធ្យូង និងកសិផលផ្សេងៗចេញទៅស្រុកយួនក៏ជាប្រភពចំណូលរបស់លោក មុយ បញ្ញារិទ្ធ ផងដែរ។
ដូច្នេះហើយ ឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ មិនគួរមើលរំលងតទៅទៀត។ ព្រោះមេៗគយក្នុងខេត្តត្បូងឃ្មុំ ក៏ដូចជា ឯកឧត្តមបណ្ឌិត គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បណ្ដោយឲ្យលោក មុយ បញ្ញារិទ្ធ សាងភាពល្បីល្បាញខាងពុករលួយជាបន្តបន្ទាប់។
ជាក់ស្ដែងក្នុងតំណែងជាប្រធានការិយាល័យគយច្រកព្រំដែនទ្វេភាគីដា ត្រឹមមួយរយៈពេលខ្លី គឺលោក មុយ បញ្ញារិទ្ធ ប្រើអំណាចនិងតួនាទីប្រមូលលុយតាមច្រើនរូបភាពដោយគ្មានខ្លាចក្រែងអ្វីទល់តែសោះ......៕
0 Comments:
Post a Comment
KKK